feature

《BB來了》黎諾懿父愛爆棚!現實中原來是廿四孝爸爸!

《BB來了》黎諾懿父愛爆棚!現實中原來是廿四孝爸爸!

黎諾懿在TVB劇集《BB來了》一劇中擔任新手爸爸,既要陪懷孕中的老婆李佳芯上育嬰課學習照顧BB;BB出世後又同老婆、外母輪班餵奶,非常盡責。要佢大show父愛,一定難唔倒佢,因為現實中,佢都係一名廿四孝爸爸,對湊BB非常有經驗。


黎諾懿與太太李潔瑩於2017年誕下兒子黎峰睿(小春雞),由出世到依家仔仔一歲大都好貼身照顧。佢以下呢5點盡責行為,絕對值得各位新手爸爸借鏡!

《BB來了》黎諾懿父愛爆棚!現實中原來是廿四孝爸爸!

見證每個第一次

作為BB最重要的親人,絕不可錯過見證佢每個成長階段。小春雞,例如第一次坐、第一次食蘋果、第一次剪頭髮等,黎諾懿都有在場,更擔任髮型師為仔仔操刀髮型。

《BB來了》黎諾懿父愛爆棚!現實中原來是廿四孝爸爸!

黎諾懿在小春雞滿月及之後的每月紀念日都陪伴在旁,月月都慶祝生日,真係廿四孝爸爸呀。

《BB來了》黎諾懿父愛爆棚!現實中原來是廿四孝爸爸!

照顧病倒兒子

黎諾懿在《BB來了》中擔心BB允豬會染上甲型流感,每個鐘幫佢探熱了解體溫;現實中小春雞發燒,黎諾懿都好心痛。小春雞試過發燒四日,佢同家人全天候照顧,仲定期匯報BB康復進度,名符其實係個暖爸!

工作再忙也不忘兒子

黎諾懿忙拍劇,時間日夜癲倒,但再忙都會抽空回家探小春雞。好似拍《BB來了》時,佢都利用一小時休息空檔陪兒子,絕對係個稱職爸爸。

陪玩、氹BB

《BB來了》劇中黎諾懿幫手氹BB,正正係佢日常中必做的事。佢經常陪小春雞玩,試過學外國爸爸喺屋企「開主題樂園」招待小春雞,氹得兒子笑騎騎。

黎諾懿又同小春雞到充氣遊樂場放電,兒子想玩乜,身為爸爸都瞓身陪玩,用盡精力只為博兒子一笑。

《BB來了》黎諾懿父愛爆棚!現實中原來是廿四孝爸爸!

擔當BB御用攝影師

自老婆入院準備生仔、小春雞出世以來,黎諾懿以拍片及影相形式記錄兒子一舉一動,從可愛笑臉、得意動作,都親自擔當攝影師,為BB留倩影。

LOAD MORE