網購6大特色散水餅！Last Day幫你直送公司不用煩！
辭職後最重要的任務，一定係揀散水餅！最令打工仔煩惱的，係唔知同事鍾唔鍾意食，揀好散水餅後又要煩拎貨，又要煩雪櫃有無位擺。網上超市HKTVmall及Ztore都有不少高質又少見的商品，產地由香港、台灣、日本甚至海外都有涵蓋，小編已率先為你精心挑選其中6款作為特色散水餅！
蜂蜜x果汁蜜精選組合 $160/ 5瓶
如果公司人少少，散水餅預算較充裕，大方一點，可以選擇產自日本的人氣果汁蜜，包括柚子蜜、藍莓＆蜂蜜、楓糖蜂蜜）與純粹完熟蜂蜜（匈牙利產金合歡蜜、加拿大產油菜花蜜、三葉草蜂蜜），以可愛小瓶包裝，每人一瓶，唔洗包裝都好靚！無論沖水定搽麵包食一樣得，男女老少都鍾意！
即飲果醋$35.8/ 6包
果醋既可解渴，又有助消化，平衡身體酸鹼值。食得多散水餅，果醋可能會成為同事歡喜搶手之物。這款果醋有不少口味，當中青梅醋以精純糯米用傳統方法長期浸製醇釀出天然釀造醋，再加入台灣的天然青梅汁提升芳香，沒有化學合成醋的刺喉感，無添加防腐劑，是健康的另類散水餅！
星球工坊爆谷（玉米濃湯味）$15/包
送零食做散水餅，有何不可？來自台灣的星球工坊爆谷同一般爆谷有別，圓圓碌碌成粒波，玉米濃湯味道超香濃，以前得大包裝，依家推出小包裝，市面罕見，價錢相宜，做辦公室零食就最啱！
青鳥旅行肉鬆蛋捲 $128/ 12入
「海邊走走」是台灣人氣蛋捲，紅到嚟香港，識食之人一定食過，揀佢做散水餅未免新意欠奉。同樣產自台灣的「青鳥旅行」肉鬆蛋捲拍得住「海邊走走」，仲有唔同口味，食過嘅朋友更加話有過之而無不及，Ztore就有得訂，更可直送到公司！如果你的同事都係為食咀刁之人，呢份散水餅實包佢滿意！
嚐賞手工糖果 （雜錦口味）$150/ 24份
揀散水餅時不妨支持本地製作！嚐賞的手工糖果以乾果肉和堅果製成，無油、無添加糖、無防腐劑，口味多元，包裝可愛，花心思貼上memo紙，每種口味各一粒放在小禮物袋內，呢份散水餅夠晒sweet!
Ztore：買滿$350免費送貨
HKTVmall：買滿$400免費送貨
感謝閣下訂閱Cosmo電子報。
閣下將收到一封電郵確認，謝謝支持！
閣下已註冊Cosmo電子報，請按下註冊電郵上的連結，以激活閣下的帳號。
如果未收到註冊電郵，請按此重發。
閣下已曾註冊Cosmo電子報，請前往設定更改閣下的訂閱選擇。
據系統顯示，閣下為CosMart會員；如想訂閱Cosmo電子報，請前往CosMart後台設定 - 接收電郵設定更改閣下的訂閱選擇。
