feature

二十年前的愛情觀!從《刑事偵輯檔案3》郭可盈陶大宇身上學到的「愛情手段」

二十年前的愛情觀!從《刑事偵輯檔案3》郭可盈陶大宇身上學到的「愛情手段」

不經不覺,深宵重播的《刑事偵輯檔案》已經播到第三輯。回一回帶,第二輯大結局,郭可盈飾演的高婕,在跟陶大宇飾演的張大勇結婚當日,遭襲擊,昏迷一段時間後甦醒,已失憶,無法跟一個陌生的丈夫相同生活,只好跟家人遠走加拿大。

by COSMO

二十年前的愛情觀!從《刑事偵緝檔案3》郭可盈陶大宇身上學到的「愛情手段」

在最後一集,張大勇在機場發出愛的呼喚,懇求太太如果記得自己,就轉一轉身。在禁區前,高婕好似轉了轉身,眼有淚光。

二十年前的愛情觀!從《刑事偵緝檔案3》郭可盈陶大宇身上學到的「愛情手段」

愛情拖得唔好放手

這裡不是劇集推介,著眼點只放在二十年前大受歡迎的劇集中,究竟有什麼愛情觀值得我們好好參考。第三輯一開播,講到高婕已離開香港兩年,張大勇就戇居居等足兩年。女方陪家姐返港,張大勇仲當正高婕是自己老婆,高婕就講明自己無feel。正常情況下,無feel,咪申請離婚囉,無理由硬硬生拖住對方。劇集教育大家:千.祈.唔.好。

二十年前的愛情觀!從《刑事偵緝檔案3》郭可盈陶大宇身上學到的「愛情手段」

持續給予對方希望

可能因為撞正九七回歸後播出,劇集非常刻意地安排高婕前往北京工幹,以為是丈夫其實是觀音兵的張大勇跟住去,仲居然以為可以睡同一間房,娘娘當然唔肯。又學多一項心得:可以答應跟朋友去旅行,但記得要訂兩間房。

二十年前的愛情觀!從《刑事偵緝檔案3》郭可盈陶大宇身上學到的「愛情手段」

重點在之後的發展,高婕被調換身份,又被屈殺人,人生路不熟之際,好彩得到張大勇出盡全力搶救。最後當然有驚無險啦,唔通講到高婕被打靶咩?患難見真情?當高婕被囚禁在北京公安所,嘩,又話一定要見個老公一面呀,又喊又攬呀,一點兒生疏感也沒有。

二十年前的愛情觀!從《刑事偵緝檔案3》郭可盈陶大宇身上學到的「愛情手段」

自製英雄場面

事後才發現不是真情,只屬於求生本能,在生死存亡之際,愛情只是微不足道,為求自保,你叫高婕愛上個大陸公安隊長都應該輕而易舉。如果你想追求一個女孩子,不妨可參考類似方法,先為對方製造風險,再以白武士姿態出現,事半功倍。

二十年前的愛情觀!從《刑事偵緝檔案3》郭可盈陶大宇身上學到的「愛情手段」

要得到手,不難,千萬不要妄想長久。果然,高婕在北京,講到跟張大勇如何轟轟烈烈,一旦回到安全又熟悉的香港領土,嘩,即刻要重新考慮係咪真係接受呢個所謂老公。用完即棄過橋抽板大概是所有人的通病,美女尤其。女主角始終是女主角,胡裡胡塗地,高婕便留低在港,跟張大勇再度生活,即使明明記憶全無感覺未有,純粹因為報恩便扭曲個人喜好。

二十年前的愛情觀!從《刑事偵緝檔案3》郭可盈陶大宇身上學到的「愛情手段」

善用男人通病

張大勇不是不知道,但他有一份中國男性常見的弊病,總以為自己渴望擁有的,係唔係都要擁有先,完全不顧及客觀環境已改變,勉強多數沒有幸福,要學識斷捨離呀兄弟。果然,轉個頭,高婕在表面上跟張大勇重拾到舊歡;實際上,卻不斷質疑自己究竟咁樣算唔算得上是愛。

二十年前的愛情觀!從《刑事偵緝檔案3》郭可盈陶大宇身上學到的「愛情手段」

你替張大勇難過嗎?又唔使喎,當老婆未接受自己,未得到手時候,叫佢去跪去死都無問題;當個老婆晚晚睡在自己張床的時候,又故態復萌,個老婆只不過睇唔住有殺人嫌疑的親戚,就被老公當眾喪鬧。

二十年前的愛情觀!從《刑事偵緝檔案3》郭可盈陶大宇身上學到的「愛情手段」

大佬呀,你係差人啫,你老婆唔係呀,又無槍又無孖葉,點樣同你睇犯呀。人類都是犯賤,一得到手就不懂珍惜。睇到最新的一集,真心覺得兩個都唔抵幫,都唔明點解二十年前會寫信去《K-100》,要求編劇為他們安排一個happy ending。

二十年前的愛情觀!從《刑事偵緝檔案3》郭可盈陶大宇身上學到的「愛情手段」
LOAD MORE