除此次外，還可以自選主菜（五選一）
當中包括日本肉眼排配和風汁及大蒜脆片
炭燒豚肩肉配松露醬
香辣雞胸肉配糖漬梨及自製墨西哥辣椒醬
素食高菜炒飯
及三文魚伴芝麻青瓜漬物
餐廳最近還推出全新甜品拼盤，以四款日本直送的時令水果以及日式口味的自家製雪糕所製成，包括朱古力蛋糕、香蕉布丁、椰子燉蛋同埋柚子蛋白批。當中以朱古力蛋糕最受歡迎，同埋椰子燉蛋係以椰子混入傳統日式茶碗蒸嘅新配搭所調製，夠曬新意！每位食客均可享一球雪糕及一份甜品，約埋一班姐妹去滿足下對甜品嘅慾望啦～
最後以一杯精緻嘅雞尾酒迎接週末先叫嘆！Zuma酒吧團隊特別創作了三款全新 Bloody Mary，再配以自家製辣醬,醬汁材料包括李派林喼汁、柚子醋、紅柚子辣椒、 芫荽、薑葉及紫蘇。
而三款 Bloody Mary 則分別以麒麟啤酒、伏特加浸過的水菜葉及煙燻茄子製成。睇埋d配料都已經感覺好刺激，鍾意雞尾酒嘅朋友一定要嘗試下呢種創意雞尾酒。
