Green Common即食粥系列一盒十包，一包只有131 Kcal，食材包括燕麥、糙米、香菇、海帶等製作而成，不含葱蒜及防腐劑，全素人士非常啱食！
價錢：HK$64.9/ 1盒10包，Green Common 有售
中午Light Meal 也可以食好D！
齋食飯／粥咁dry，當然要配些小菜一起享用！奶油鮮菇雞、奶油鮮菇海鮮、日式咖喱雞、拿破崙番茄肉醬...聽到係咪都口水流呢？由營養醫學中心研發的健康代餐品牌營美健，就有以上口味的健康代餐！
每份料理大約200Kcal，可最方便食用方法是以微波爐叮3分鐘，作為新年後的辦公室lunch 就最適合不過。
價錢：HK$40-45/ 盒，營美健有售
下午茶健康飽肚選擇
來到tea time，口痕痕想食嘢，Fitasty 的紫薯蓉滿足到你！紫薯中含有花青素，花青素具有較強的清除過氧化物自由基的能力，能够抗氧化，延缓衰老。紫薯屬粗糧的一種，可降低血液中低密度膽固醇，延遲飯後葡萄糖吸收的速度，既飽肚又健康！
價錢：HK$130/ 3包，Fitasty 有售
不用洗米！台灣低卡即食香積飯
無飯不歡的朋友，懶的不想洗米煮飯，但出街食又嫌味精多、卡路里高？可以試試台灣品牌淨斯的即食香積飯，只需要按需要倒入調味包、乾燥飯及滾水，蓋上蓋子等20分鐘就食得！最重要是，每包卡路里低至270kcal！
香積飯口味包括綜合蔬菜、義式番茄、海帶芽糙米、金黃甜玉米、香醇咖哩，全部都是全素食品，未有加食品添加物。如果新年食太濟，這款漬飯更可增加水量製成粥！
價錢：HK$55.9/ 1包5份，Green Common 有售
