feature

想自己一個人住?獨居女生才會享受到的10個樂趣!

想自己一個人住?獨居女生才會享受到的10個樂趣!

細細個就夢想擁有自己的私人空間,大學終於可以一嘗住hall 的滋味,脫離家人的「魔掌」。去到踏入社會工作,心思思想一個人搬出來住,學習獨立。撇除經濟考慮,女生自己一個人住不僅是學習獨立,更有10個好處,讓你返唔到轉頭。


1. 隨心所欲,想吃什麼就吃什麼

想自己一個人住?獨居女生才會享受到的10個樂趣!

跟家人同住,即使OT夜歸,媽媽總會留定住家飯同靚湯,待你回家再翻熱。沒錯,是很貼心的舉動,但有時返到屋企真係無乜胃口,唔想食都要強迫食。自己一個搬出來,就可以隨心所欲一些,想自己煮抑或食茶記,甚至輕食/唔食都無問題!(雖然有些獨居女性依然掛住媽媽的廚藝~)

 

2. 自己一個人住,不用跟人搶廁所

想自己一個人住?獨居女生才會享受到的10個樂趣!

這點很重要!自己一個人住,不用遷就家人的起床時間,想霸廁所幾耐就幾耐,化妝、吹頭都不用趕;沖涼想來個浸浴relax一下完全無問題。男人去完廁所唔揭起廁所板,不用忍受其他人在牙膏中間擠起...想起就爽!

 

3. 東西都會在原處,保持凌亂美!

想自己一個人住?獨居女生才會享受到的10個樂趣!

跟家人一齊住時,兄弟姊妹可能會郁你啲嘢,借衫著,借護膚品;媽媽又會好心地幫你執枱、執衣櫃,明明放在桌上的東西也「被整理」得不知所蹤,其實在你眼中都是手多多的行為。

 

4. 整個家的佈置都是由你操刀!

4. 整個家的佈置都是屬於你!

沒錯!大至裝修、傢俬、家電、格局,小至床單、廚具,都由你一手一腳安排和佈置,正正是女生由小到大的夢想,真正擁有屬於自己的小天地。想將成間屋變成粉紅色?想打造無印Feel 日系家居?抑或是將最心愛的Hello Kitty 放滿全間屋?統統由你做主!

 

5. 獨居可以大膽裸體、裸睡

想自己一個人住?獨居女生才會享受到的10個樂趣!

香港人好少會裸體、裸睡,因為家人都在,哪敢在家中裸體、裸睡?自己一個人住就唔同講法喇,沖沖吓涼時電話響,也可裸體沖出去聽電話;在家中又可以不戴bra 甚至裸睡,要幾free 有幾free。當然,大前提是記得拉窗簾啦!

 

6. 終於有機會穿性感睡衣!

想自己一個人住?獨居女生才會享受到的10個樂趣!

單身女都會渴求著性感睡衣,唔一定著俾人睇,著俾自已睇都得。但跟父母一起住,無理由著件性感睡衣在家中走動,好尷尬架嘛。當搬出去獨居,就無呢個煩惱了,可以丟掉你的白tee 沙灘褲、性感睡衣大派用場!

 

7. 回家後隨時可大哭釋發壓力

想自己一個人住?獨居女生才會享受到的10個樂趣!

人愈大,在職場、愛情上遇到的波折及壓力比以往大,需要好好抒發。當向家人同住時,你只能壓抑情緒,以免家人擔心;但自己一個人住,回到家中毋須再戴面具示人,想自閉就自閉,想喊就喊,好好做自己!

8. 隨時歡迎姊妹上來過夜!

想自己一個人住?獨居女生才會享受到的10個樂趣!

小時候夢想的Girls’ talk,只能在去camp、住hall、去旅行才實現。當你一個人住,姊妹隨時有心事,都可以踩上你屋企傾通宵,不用怕嘈醒家人,又毋須擔心被人偷聽秘密(你知喇~家長都是八卦的)

 

9. 家中成為拍拖之所

想自己一個人住?獨居女生才會享受到的10個樂趣!

如果有自己住處,也勢必成為拍拖的據點。可以約男朋友回家煮飯仔、睇場戲、打機,甚至過夜曳曳亦得,毋須去情趣酒店。當然,男朋友上來過夜並不等同同居,你依然有自己的獨立生活,但可以慢慢感受同一屋簷下的拍拖情趣,又不怕因同居導致分手

10. 讓你更珍惜與家人、朋友見面

想自己一個人住?獨居女生才會享受到的10個樂趣!

當你自己一個人住,回到家不再吵吵鬧鬧,就會更懷念媽媽叨念的時光;吃慣了味精,又會想起媽媽的住家飯;一個人的時間多了,自然想約朋友見見面、聚聚舊。

 

LOAD MORE