6號、Ayan教你玩峇里島！ 必試飄浮早餐、森林鞦韆
無論蜜月旅行，抑或想偷幾日假同另一半出走香港，峇里都係個好選擇。一向識玩識食嘅陸浩明（6號）最近亦同女友Ayan到峇里旅行，小編憑佢哋嘅放閃合照，為大家盤點峇里海陸空6大必到景點！
峇里必到景點1：Villa私人泳池歎飄浮早餐
去得峇里，唔少得book返間超歎嘅Villa！呢度好多villa都推出飄浮早餐（Floating Breakfast)，唔單止係打卡之選，可以兩個人喺私家泳池享受豐富早餐，浪漫程度爆燈！6號及Ayan今次挑選入住The Kayana Seminyak，房價只係HK$1600-2000頭，CP值非常高。喺度食飄浮早餐，享受二人時光，簡直係人生一大樂事。
峇里必到景點3：私人沙灘騎馬
除咗玩水，峇里都有特色陸上活動。Ayan知男友6號鍾意騎馬，專登喺呢度book咗個沙灘，齊齊騎馬馬！位於巴里島東部的Saba Beach ，提供Horse Riding活動，行程大約2小時，有專人帶住你哋會經過沙灘和樹林，感受峇里寫意的大自然風光。6號騎完仲話「嗰種舒服同浪漫真係宇宙級」！
峇里必到景點4：Quad Bike 越野車
男人梗係想玩啲刺激嘅活動，6號安排咗一場Quad Bike 越野車，喺叢林及村莊中穿越！6號更sweet地跟Ayan講：「放心，攬實我...一定會安全車你返去！」好man呀！
峇里必到景點5：德哥拉朗梯田
必到景點德哥拉朗梯田（Rice Terrace Tegalang），可以在最高點享受峇里的下午茶，亦可在綠油油的梯田間打卡。聽講呢個梯田要俾過路費，每個唔同高度都要收費，但價錢只係大約HK$5，為咗影靚相，俾得過！
峇里必到景點6：Bali Swing 森林飛翔
無玩過Bali Swing，等同無到過峇里！想好似6號同Ayan被森林包圍、享受飛翔快感，35美金（約HK$273）就可玩盡園區所有鞦韆、巢穴，包埋lunch buffet及入場費，激抵玩。畏高唔敢玩？放心！鞦韆有分唔同高度等級，由10米到78米高任你揀！最後當然唔少得好似6號同Ayan甜蜜打卡！
