feature

Marvel補底班!5分鐘KO超級英雄基礎知識

Marvel補底班!5分鐘KO超級英雄基礎知識

講起超級英雄,身邊好多姊妹嘅評價都淨係得「美國隊長好靚仔」、「Iron Man好有型」,或者「雷神啲肌肉好正」!除咗啲表面嘢,對於Marvel嘅來龍去脈就一知半解得半桶水,甚至連有咩超級英雄都唔清楚!不過唔使驚,小編決定同大家嚟個補底班,用5分鐘速讀Marvel電影加人物,唔再做無知港女!


Marvel VS DC

Marvel補底班!5分鐘輕鬆KO超級英雄基礎知識

Marvel無超人!Marvel無超人!Marvel無超人!(好重要所以要重複3次!)Marvel同DC其實係兩間唔同嘅美國漫畫公司。大部分上映嘅超級英雄電影都係根據Marvel同DC嘅漫畫改編而成,所以千祈唔好以為所有Superheroes都係嚟自Marvel。

 

Marvel補底班!5分鐘輕鬆KO超級英雄基礎知識

Marvel創造人物包括:復仇者聯盟(美國隊長、Ironman、雷神、黑寡婦、變形俠醫、鷹眼、奇異博士、黑豹、蟻俠、蜘蛛俠、死侍等等...),神奇四俠,X-men (狼人、妖后、雷射眼、暴風女郎、鳳凰女等等...),以及銀河守護隊等等。

 

Marvel補底班!5分鐘輕鬆KO超級英雄基礎知識

DC創造人物包括:蝙蝠俠、超人、神奇女俠、蝙蝠女、綠燈俠、閃電俠、水行俠,同「自殺特攻」(小丑+小丑女...)等等。

 

Marvel 電影有幾多部?

Marvel補底班!5分鐘輕鬆KO超級英雄基礎知識

到目前為止總共有18部,分咗3個階段,3個階段電影入面嘅Superheroes到最尾都一同合力尋找同奪回無限寶石(Infinity Stones)。因為如果6粒寶石都同樣落入最強奸角Thanos手上嘅話,佢將會獲得強大力量,地球將會面臨危機!

 

Marvel補底班!5分鐘輕鬆KO超級英雄基礎知識

第一階段電影:《鐵甲奇俠》、《變形俠醫》、《鐵甲奇俠2》、《雷神》、《美國隊長》、《復仇者聯盟》

Marvel補底班!5分鐘輕鬆KO超級英雄基礎知識

第二階段電影:《鐵甲奇俠3》、《雷神2》、《美國隊長2》、《銀河守護隊》、《復仇者聯盟2》

 

Marvel補底班!5分鐘輕鬆KO超級英雄基礎知識

第三階段電影:《蟻俠》、《美國隊長3》、《奇異博士》、《銀河守護隊2》、《蜘蛛俠:強勢回歸》、《雷神3》、《黑豹》

 

Marvel + DC:是朋友又是對手

Marvel補底班!5分鐘輕鬆KO超級英雄基礎知識

呢兩間漫畫公司嘅關係可以話係是敵是友。其實各自嘅漫畫人物都會偶爾出現喺另一間公司嘅漫畫入面。好似蝙蝠俠同變形俠醫亂戰,喺Marvel世界入面,蝙蝠俠被打到不似人形,而喺DC世界入面,蝙蝠憑著自己出色嘅謀略,打到綠巨人跪地投降。

 

Marvel補底班!5分鐘輕鬆KO超級英雄基礎知識

亦都有唔少演員同時演過Marvel同DC嘅角色,最為人熟悉應該就係萊恩·雷諾斯(Ryan Reynolds),佢分別飾演過「綠燈俠」同「死侍」。

 

Marvel電影馬拉松排序:

Marvel補底班!5分鐘輕鬆KO超級英雄基礎知識

然後其中一個經常問嘅問題就係:「究竟點樣睇Marvel電影先會啱時序?」等小編話你知啦,咁今個weekend就可以嚟個Marvel電影馬拉松!

《美國隊長》-> 《鐵甲奇俠》-> 《變形俠醫》-> 《鐵甲奇俠2》-> 《雷神》-> -> 《復仇者聯盟》-> 《鐵甲奇俠3》-> 《雷神2》-> 《美國隊長2》-> 《銀河守護隊》-> 《銀河守護隊2》-> 《復仇者聯盟2》-> 《蟻俠》-> 《美國隊長3》-> 《黑豹》-> 《奇異博士》-> 《蜘蛛俠:強勢回歸》-> 《雷神3》-> 《蟻俠與黃蜂女》-> 《復仇者聯盟3》-> 《Marvel隊長》-> 《復仇者聯盟4》-> 《蜘蛛俠》-> 《銀河守護隊3》

LOAD MORE