邊間餐廳求婚先夠深刻浪漫？4間米芝蓮法國菜餐廳推介

行開古董街，你可能曾幾何時俾櫥窗嘅呢隻超大公仔吸引你望入去，而呢度就正正係Bibo餐廳嘅所在地。位於荷李活道嘅Bibo係一間充滿藝術感嘅餐廳，除咗門口呢只Kaws之外，餐廳入面都放滿其他藝術擺設。

寬敞餐室昏暗燈光，再配上一件件別出心裁嘅雕塑藝術品同牆上五顏六色嘅壁畫，令你恍如置身藝廊一樣。

位於中環嘅Belon同蘇豪區嘅風格如出一轍，環境十分優雅兼有情調，天花嘅波波燈、餐室木製嘅枱櫈，加上藍色真皮梳化，感覺十分舒適浪漫。

Belon除咗獲選2019米芝蓮一星餐廳之外，更加榮登「亞洲50大最佳餐廳」，來到相當唔惹少。餐廳係做傳統法國菜，每日因應新鮮食材嚟決定餐牌，所以餐牌日日都唔同，包你食到最新鮮嘅食材，都包你有新鮮感！

Pierre呢個名相信大家都唔會陌生，提到香港高級法國菜嘅話，Pierre一定榜上有名！位於5星酒店文華東方酒店頂樓當然有5星級嘅享受啦！除咗可以望到醉人美景之外，室內裝修仲富現代感。

喺Pierre你可以品嘗由著名法國廚師Pierre Gagnaire烹調嘅驚豔法國菜式，Pierre大廚入行超過40年，喺全球擁有9間餐廳，用法國新料理主義（Nouvelle Cuisine）烹調出精緻嘅佳餚，包所有客人都品嚐到高級嘅法國料理。

嚟到米芝蓮三星有位於中環置地廣場嘅L'Atelier de Joël Robuchon，尊貴嘅享受就由到達餐廳前開始，因為你要乘搭專屬電梯或者升降機先可以到達呢間餐廳。

如果想充分感受餐室嘅氣氛同節奏，一定要坐開放式廚房前嘅櫃枱座位。有格調裝修加上紅黑色呢兩隻signiture顏色，時尚得嚟不失霸氣。