《大樂師》勇奪4項金像獎提名!鄭中基每日浸水五粒鐘 曬到甩皮

《大樂師》勇奪4項金像獎提名!鄭中基每日浸水五粒鐘 曬到甩皮

3月1日剛剛上映的《大樂師.為愛配樂》被稱為「年度治癒系電影」,一路以搞笑低俗出名的鄭中基(Ronald)表示今次唔玩低俗,仲有啲認真!唔知今次深情起上黎有冇機會金像獎封帝呢?為咗呢套戲Ronald都可謂搏盡,每日浸水浸足五個鐘,曬到甩皮仲黑過黑仔,提名影帝絕非容易!

by CM

movie-ConcertoOfTheBully-RonaldCheng-CherryNgan-love-comedy-cast-premiere

《大樂師.為愛配樂》由田啟文監製、馮志強執導,更找來八屆最佳原創電影音樂得主金培達,主理片中音樂創作。電影由鄭中基、顏卓靈(Cherry)、周秀娜、姜皓文、白只及蔡潔主演。

movie-ConcertoOfTheBully-RonaldCheng-CherryNgan-love-comedy

講述了一個好勇鬥狠的小混混阿勇(鄭中基 飾)性格暴躁,只有一首網上的Demo能讓他內心平靜。一次阿勇負責看管一個被綁架的少女子牧(顏卓靈 飾),將她困在海上的魚排內。在兩人多次鬥智鬥勇中,阿勇發現子牧就是Demo的作曲人,本來劍拔弩張的關係有了微妙的變化。

movie-ConcertoOfTheBully-RonaldCheng-CherryNgan-love-comedy

Ronald在訪問中大歎拍攝過程絕不容易:「當時開戲嗰陣適逢夏天,每日拍嗰陣好熱又好曬,記得有好幾日拍Cherry地獄式訓練我練聲,我要喺水入面不停做掌上壓,一邊做一邊唱,真係曬到有啲甩皮,返到屋企個女都話我皮膚越拍越黑,導演仲笑我有潛質黑過黑仔(姜皓文),搽幾多防曬都幫唔到。今年可以憑呢部電影得到大家肯定,提名最佳男主角,都可以話拍攝時幾辛苦都係值得!」

movie-ConcertoOfTheBully-RonaldCheng-CherryNgan-love-comedy

而片中其中一條重要戲碼,飾演綁匪的鄭中基和白只兩兄弟同時對顏卓靈產生微妙感覺,一次Cherry於藏參地點漁排上意外跌落海,白只亦不能倖免被拉下水,Ronald笑言這場戲相當深刻:「我角色叫阿勇,其實我喺戲入面避緊世,因為我好兄弟黑哥同白只,綁咗一個好鍾意唱歌嘅肉參俾我,佢叫顏卓靈,只要成功收到贖款,到時我餐餐大魚大肉,肥過白只都冇難度,但係命運作弄,我又對Cherry培養咗一段不能言喻嘅感情,呢段微妙又含蓄嘅關係係最有趣的部分。所以見到佢兩個跌落海,我識救,一定係救Cherry!」

movie-ConcertoOfTheBully-RonaldCheng-CherryNgan-love-comedy

女主角Cherry被兩男爭奪,感覺良好:「導演話要俾機會我喺電影世界入面試下自古英雄難過美人關嘅感覺,哈哈!不過其實我冇同大家講,我本身係識潛水,所以我自己係可能游返上間船屋㗎!」

movie-ConcertoOfTheBully-RonaldCheng-CherryNgan-love-comedy

白只則投訴:「嗰場拍完之後感受到咩係男女不平等,因為cut機之後完全冇人救我,所有男工作人員游哂埋Cherry度,所以做男人真係要靠自己!」

movie-ConcertoOfTheBully-RonaldCheng-CherryNgan-love-comedy

這部輕喜劇以音樂和愛為主題,輕鬆中又充滿窩心感動,成功拿下第37屆香港電影金像獎4個提名,包括「最佳男主角」鄭中基、「最佳男配角」姜皓文、「最佳原創電影音樂」金培達、「最佳原創電影歌曲」《沒聽過的歌》。仲有絕美海上場景,一磚一瓦搭出來的超靚魚排,絕對值得入戲院一睇呀!

LOAD MORE