唐詩詠、馬國明、袁偉豪最型兄弟團！林子善與圈外女友甜蜜擺酒

最近熱播嘅《果欄中的江湖大嫂》嘅光輝林子善同圈外女友Kary拍拖5年，上年10月簽紙註冊，日前就舉行婚禮兼擺酒，喺圈內圈外都多朋友嘅林子善，著上紫紅色禮服，喺9人兄弟團嘅陪伴下去酒店接新娘，認真有氣勢！

今次嘅兄弟團絕對唔係省油嘅燈，成員有鄭嘉穎、馬國明、黃嘉樂、黃長興、袁偉豪等，當中最靚最搶鏡嘅一定係反串做兄弟嘅唐詩詠！

兄弟團Chok爆去接新娘，鄭嘉穎、馬國明、黃嘉樂、黃長興、袁偉豪、唐詩詠都擺晒甫士，齊齊戴上黑超，型到爆啊！

今日唐詩詠就公開咗林子善同太太Kary嘅小故事，好感人架。

有一天這個男孩跟我說：「妹，我不想拖累她，我跟她分手了，希望她能找到個更好的。」
我說：「那好吧！不過，要是她真的愛上別人，你將會永遠失去她。」
男孩聽到後沒有回答，突然有一天他跟我說：「謝謝你，我們復合了，我要結婚了！」
然後我發現他一天比一天更愛他的女主角。
放棄一段感情很容易，堅持卻很難！
很高興今天你找到了你的最愛，更做到了你的承諾！
我真的很替你開心！
Love you forever ❤️
祝男孩跟女孩永遠幸福快樂！

一班兄弟顏值好高，唐詩詠仲好興奮第一次做兄弟：「做兄弟係爽嘅，唔使早起，淨係Chok就得啦！」

接新娘又點少得玩兄弟環節，梳打餅上有芥末同鹹竹蜂，相信係懲罰兄弟團。

恭喜林子善同太太kary，要一直甜蜜幸福啊！