editing

【香港好去處】放工Happy Hour必去!2018年最新4間戶外露天酒吧餐廳

【香港好去處】放工Happy Hour必去!2018年最新4間戶外露天酒吧餐廳

返工返到好大怨氣,最好的發洩方法梗係約埋同事或三五知己去酒吧happy hour,盡情呻心事。咁啱城中都開咗4間全新戶外露天酒吧,值得你bookmark,今晚一於揀返間去chill一chill!


PIQNIQ:話題性十足!與草間彌生於中環鬧市野餐

【香港好去處】放工必去!2018年最新4間戶外露天酒吧餐廳

位處中環中心,位置確係無敵!位於H Queen's天台嘅PIQNIQ雖然開張無耐,但平日HH時段打後都相當旺場,除咗可以享受無敵180度開揚中環鬧市景色外,最吸引當然係放喺酒吧中央的草間彌生著名嘅南瓜雕塑。

 

【香港好去處】放工必去!2018年最新4間戶外露天酒吧餐廳

有草間彌生名作坐鎮以外,顧名思義,酒吧以野餐為主題,場內有五彩繽紛的裝飾同豆袋座椅,入夜後仲會亮起燈炮,勁好feel!
更多推介:鄭欣宜、胡杏兒也捧場!4間中環酒吧最適合閨密飲酒打卡

【香港好去處】放工必去!2018年最新4間戶外露天酒吧餐廳

食物方面,建議大家考慮酒吧嘅基本野餐籃套餐(HK$198),包括一份前菜、主菜同甜品,份量都好大,並以野餐籃上菜,心思十足!當中選擇包括和牛三文治、點心、凍肉拼盤、香蔥蛋批、法式手工芝士拼盤等。

 

【香港好去處】放工必去!2018年最新4間戶外露天酒吧餐廳

酒吧目前仍然只係soft open,所以唯一遜色嘅地方係drink list暫時未算好完善,以各式葡萄酒同啤酒為主,雖然選擇唔少,但如果想飲cocktail,暫時亦只得一款Aperol Spritz on Tap(HK$78/glass),味道酸甜帶微苦澀,都算開胃。而酒吧方面亦努力研發新cocktail,遲啲大家就試到架啦。另外由於地方唔算大,所以就算係平日,酒吧都會好快爆滿。

PIQNIQ 

地址:香港中環皇后大道中 80 號 H Queen's R 樓 (天台)

The Chase :美式佳餚美酒共冶一爐

【香港好去處】放工必去!2018年最新4間戶外露天酒吧餐廳

行過 H Queen's少少,又有另一間勁chill嘅全新露天酒吧。L Place最近開咗間專食野味的餐廳Hunter,而餐廳下一層則係全新雞尾酒吧The Chase。

識多一點點:飲酒可以愈飲愈瘦?識得飲呢款! 

【香港好去處】放工必去!2018年最新4間戶外露天酒吧餐廳

酒吧主打美式小酒館嘅創意菜式同現代雞尾酒,以季節靈感做主題,其中比較受歡迎嘅有Raspberry Cobbler (HK$98) ,包含Pinot Noir紅酒、紅桑子、法國紅桑子甜酒同多種柑橘調配而成;鍾意果濃郁甜味,可以揀混合氈酒、Aperol甜酒、蕁麻酒、自家製根汁糖漿同西瓜嘅La Dolce Vita (HK$98)。總括嚟講,雞尾酒選擇都算多。

 

【香港好去處】放工必去!2018年最新4間戶外露天酒吧餐廳

值得留意係餐廳帶嚟美國流行的「French Dips」法式沾醬三文治系列(HK$148),每款肉感三文治都會配搭一碗特製「Au Jus」肉汁,美式傳統食法就會將三文治蘸著醬汁食,打破食三文治一定會好dry的慣例,送酒一流!

 

【香港好去處】放工必去!2018年最新4間戶外露天酒吧餐廳

芝士控都可以留意酒吧入面嘅芝士吧係全港首間引入美國本土芝士的專櫃,獨家供應超過18款手工美國本土芝士,有啲喺香港會比較少見!

環境方面,酒吧位處大廈低層,四周都俾大廈包圍,老實講係有啲焗促感覺,但好在地方夠寬倘,喺秋涼的晚上,都非常舒服。

The Chase

地址:香港皇后大道中139號The L. Place 3樓

 

maze Grill:地獄廚神再襲港!靚cocktail配無敵維港美景

【香港好去處】放工必去!2018年最新4間戶外露天酒吧餐廳

自從海港城OTE新翼開張後,已經成為好多人去尖沙咀飲嘢首選目的地,相信最主要原因得一個:靚景。最新開張嘅maze Grill,一定滿足到你對呢方面的追求。

【香港好去處】放工必去!2018年最新4間戶外露天酒吧餐廳

特別在餐廳方位係正面面向港島,入夜後璀璨的香港壯麗夜景盡收眼底,百看不厭。

 

【香港好去處】放工必去!2018年最新4間戶外露天酒吧餐廳

餐廳係地獄廚神Gordon Ramsay旗下的知名現代扒房, 亦係品牌第一間落戶倫敦以外的分店。喺呢間主打肉扒的餐廳,當然可以食到廚神的首本名菜威靈頓牛扒(HK$888),而招牌英國牛扒(HK$388起)至少經過至少28 日嘅dry age處理,再以炭火焗爐完美烤製而成,啱晒牛魔王!

 

【香港好去處】放工必去!2018年最新4間戶外露天酒吧餐廳

以依家天氣,最好當然係坐喺室外一邊觀賞兩邊維港景色, 一邊享用美酒佳餚。Cocktail推介有外形搶眼,以Tanqueray Gin、紫羅蘭利口酒、檸檬、Rosé葡萄酒等梅子苦精調製而成的Fleetwood Mac(HK$98),另外亦有以優質材料炮製的Premium Cocktail系列,一應俱全。提提你,露天位特別搶手,最好都係book定枱先!

maze Grill 

地址:尖沙咀海港城海運大廈 OTE401 號舖

CÉ LA VI:城中數一數二必到夜店

【香港好去處】放工必去!2018年最新4間戶外露天酒吧餐廳

最後要介紹的酒吧相信蒲開中環的都不感陌生,位於加州大廈頂層的CÉ LA VI係中環數一數二的夜店,頂層天台空間最近經過翻新後,終於重新開幕啦。全新天台酒吧Sky Deck繼續係飽覽五光十色的中環美景熱點,而且座位經重新佈置過後,景觀更加開揚。另外,亦設新嘅DJ booth,每晚愈夜愈精彩。 

 

【香港好去處】放工必去!2018年最新4間戶外露天酒吧餐廳

餐廳酒吧繼續不時帶來全新餐飲體驗,例如10月有餐廳新加坡同香港總廚聯手呈獻的特色晚宴,另外亦有全新happy hour優惠,包保成日都有新驚喜。

CÉ LA VI

地址:中環蘭桂坊德己立街30至32號加州大廈25樓

 

LOAD MORE