工作數年仍是小薯仔？5個原因導致你升職無望！

你以為在同一間公司待得愈久，就愈有機會上位？錯了！正好相反，公司老細都鍾意新血，認為新同事會為公司及同事帶來火花，領導方針有變，才有進步。所以與其留在公司等升職，進取的打工仔不如跳槽，上位更快！

很多上司都想在下屬中尋找左右手，然而大多數下屬之間玩得太埋，整天圍威喂講八卦，同上司又刻意保持距離，令上司不放心交心。上司搵左右手，除了有工作能力，更需要一位負責任、有交帶又不會大喇叭透露公司機密給同事知。所以有時他寧願外聘再train返個好幫手，都唔會升你職。

要在職場往上爬，既講工作能力，亦講管理能力。就算你對份工有前瞻的眼光，但唔識manage下屬，或者對管理無興趣，只係識獨自工作，上司好難提攜你。

唔少HR與工作數年的求職者面試，都會查問舊公司的人事架構，了解求職者在公司裡的等級、有無同事under佢。於HR而言，招聘一位數年年資的同事，是希望將來他也能勝任管理工作，如果你一直甘於做execution的工作，唔諗辦法增值（例如報讀MBA或lead一至兩名下屬）可能一世都只係小薯仔，或者要花更長時間才有機成為部門呀頭。