同朋友一齊去Starbucks坐低傾計、喝杯咖啡係香港人平常會做嘅事，而Starbucks更係唔少人嘅首選，最近Starbucks就喺銅鑼灣開設旗艦店，推出超多款美食、咖啡、限定啤酒，今次就同大家介紹旗艦店嘅亮點啦！
登入 瀏覽本網站，可獲取積分換領專屬優惠
點擊查看專屬優惠
冷萃雪糕咖啡(左)、麥香雪漾冷萃咖啡 (中)、特濃咖啡馬天尼（右）
旗艦店特別設有Starbucks Reserve™ Coffee Experience Bar，獨家推出6款嶄新嘅咖啡飲品。
除咗飲茶同飲咖啡，仲可以食超吸引嘅All-Day Gourmet Toast，新鮮嘅食材配搭，睇見都流口水！
煙肉德式豬肉腸炒蛋天然酵母麵包。
煙三文魚溏心蛋天然酵母麵包。
牛油果炒蛋天然酵母麵包。
鮮果茶園以多款新鮮水果配搭冰涼嘅Teavana™ 茶底，大家可隨喜好選擇英式紅茶、洛神花茶、薄荷香檸綠茶，同埋白茶。
鮮檸薄荷氣泡綠茶糅合清爽薄荷，同埋甘醇綠茶，並注入氣泡，好清涼，岩晒炎夏時飲！
甜品控有福喇，Starbucks旗艦店仲有首次推出嘅pancakes甜點，每日即場新鮮製作，有三款口味，配埋咖啡或者茶，過一個chill chill嘅下午！
焦糖香蕉朱古力鬆餅。
意大利芝士餅忌廉鬆餅。
士多啤梨鬆餅。
沒想過Starbucks也有吧檯吧！Teavana Bar有15款旗艦店限定嘅茶飲，包括5款香港獨家創作之飲品，包你第二度飲唔到！
店中仲有唔少限量商品！黑色冷萃咖啡不鏽鋼保溫瓶及Starbucks Reserve™冷萃咖啡Highball玻璃杯，靚得黎又耐用。
旗艦店環境好寬敞，同朋友嚟hea下、食下野，夠晒舒服。
窗邊座位一覽街景，同朋友一齊飲住咖啡傾計，寫意又舒服！
地址：銅鑼灣新寧道1號利園三期1樓101-110號舖
立即訂閱接收Cosmo最新潮流資訊
訂閱電子報，時刻掌握生活資訊！