【轉工面試選擇題】為了「將來」放棄眼前offer？獵頭：你揀工工揀你
接女神放工，揸車兜咗去嘉頓山，眺望夜景，我問：「其實點解你會揀我？」呢個問題係我近幾年問得最白癡最無聊嘅問題之一，即係我問candidate點解想轉工，唔通為興趣咩。女神回應：「不如我講個故事俾你聽，你就會明白。」
夜幕漸臨，她還是一無所獲，眼見差不多去到玉米田盡頭，不期然擔心，於是加快進度。這時，愈向前走，卻發現後面的玉米比起她之前發現的，差太遠了，可是，她只能繼續向前找，漸漸走到田的盡頭。她看見母親，原來母親一直在盡頭等着她。
女：「對不起母親，我甚麼也沒有帶到出來。」
母：「你知道為甚麼你會空手而回？」
女：「因為我總是認為下一個會更好，所以⋯⋯」
母：「女兒，當你進入玉米田時，就像人生一樣，不能回到過去；即使錯過了，也只能往前走；你在花花世界不斷選擇，為了尋找認為最好的，放棄一個又一個機會，結果空手而歸。」
故事完了，我唔知點解，女神要將自己比喻成粟米，同埋做乜要用個咁文藝嘅tone同我講。我同女神講：「你呢嚿粟米真係好難摘，我覺得自己已經搵到我覺得最好嘅粟米。」她笑而不語。 雖然大家都知道，其實我先係嗰嚿粟米。
收兵無數真女神
我認識一位叫Minnie的朋友，她是無數男神追求的女神，正正因為選擇太多，從來未擔心過找不到心中完美的Mr. Right。Minnie同我講，她身邊有上市公司主席、 才華出眾的教授、年輕有為金融才俊，更有家財萬貫的男士追求，他們全部都當她係寶，响Minnie嘅字典入面，總覺得會遇到更好嘅下一個，所以女神一直處於未婚狀態。
我問佢，你有想過結婚？她俾我嘅答案毫不驚訝：「當然，每個女人都希望搵到一個懂她愛她的另一半，組織一個家庭，即便再強的女強人都會係咁。」
我：「咁你點解而家仲未結婚？ 理應你已經遇到很好對象。」
Minnie：「係，不過我一直認為可以再搵到更加好的。直至到了某個年紀，我先突然發現，錯過太多，而且已經冇辦法回頭。宜家遇到嘅，總係感覺沒有年輕時的好和轟烈，所以我最後兩手空空。」
轉工揀工=揀老公
作為獵頭，我見證無數candidate於不同公司遊走，作出選擇，有人成功做咗CEO，有人空手而回，平平穩穩。很多時，揀工就如揀老公；後生時，選擇多，我哋總認為下一個會更好，但機會一消即逝，過去就冇辦法回頭；愛情如是，搵工如是。
前排做一個role，一個Big 4 candidate打算跳出去commercial，個客好有誠意請佢，仲加佢人工，但個candidate太大咬，一個AM title，想加40%人工同埋要VP title，嚇窒咗個客，最後佢留喺Big 4，喺玉米田度繼續慢慢揀粟米。甩candidate其實對我同對個客都冇乜影響，因為我哋已經一早有晒Plan B。但對於佢來講，佢嘅時間比較緊迫。
沒有絕對好offer
大多數搵工嘅人，都犯了以上相同錯誤，為了不斷尋找認為最好的，放棄很多眼前機會。只要有商業發展的地方，就一定有職位空缺，老闆唔可以唔請人，但作為打工仔的你，可以選擇唔take offer。講到尾，我哋可以不斷挑剔一份工假期太少、人工太低、唔係你最想做的崗位⋯⋯人嘅欲望無盡，但要知道，世界上係冇perfect match。我哋真正需要，係帶領你成長嘅Mr. Right，即係你嘅工作。
當timing、honesty、feeling都符合到，請珍惜眼前人或事，不要徘徊在無盡的選擇之中。凡事有兩面，你覺得差嘅選擇，並唔代表佢唔係一個好嘅選擇；人生好玩嘅地方，正正係好多差嘅選擇，可成就到一個好嘅結局。
故事最後，明白這個道理的Minnie已經找到人生的Mr. Right，雖然唔係上市公司主席或才華洋溢的教授，不過是一位珍惜她、愛她的男人，即係小弟。所以話，女人點解可以keep得咁靚？因為背後都有一位不能取代的男人，呢個男人就像一間公司的老闆，佢會帶領你成就更好的人生。
Full-time Headhunter 久保
雙碩士畢業後投身獵頭界，人稱「全職獵人」。多年來為客戶網羅人才、挖角，為員工搵好歸宿，dramatic啲講，係勞資雙方的雙重間諜。 近年開page寫吓嘢，幫人搵份好工兼應對無良老細、HR，記下中環才俊的七情六欲、商場獵場中光怪陸離軼事。
Facebook: www.facebook.com/fulltimeheadhunter/
感謝閣下訂閱Cosmo電子報。
閣下將收到一封電郵確認，謝謝支持！
閣下已註冊Cosmo電子報，請按下註冊電郵上的連結，以激活閣下的帳號。
如果未收到註冊電郵，請按此重發。
閣下已曾註冊Cosmo電子報，請前往設定更改閣下的訂閱選擇。
據系統顯示，閣下為CosMart會員；如想訂閱Cosmo電子報，請前往CosMart後台設定 - 接收電郵設定更改閣下的訂閱選擇。
