feature

【TVB 萬千星輝頒獎典禮 2018】7大上位男藝人有望提名視帝?他們都是顧家暖男

【TVB 萬千星輝頒獎典禮 2018】7大上位男藝人有望提名視帝?他們都是顧家暖男

將近年尾,TVB又開始為《萬千星輝頒獎典禮2018》作準備,一眾藝人也暗自思慮自己有無可能上位成視帝。早前介紹過TVB新上位的花旦名單,今次同大家細數受力捧的男藝人。翻查近年及正開拍的電視劇,原來大部分第一男主角都由以下7位男藝人主演,逾半更結婚有埋仔女,看來TVB唔再行小生路線,主攻顧家暖男,今年台慶的視帝提名名單,唔知有無佢份呢?


王浩信

王浩信

▲《不懂撒嬌的女人》

王浩信出道十年,正式上位都係近3年嘅事,於《樓奴》同《EU超時任務》得到第一男主角角色,之後在《不懂撒嬌的女人》以Saving哥一角同唐詩詠有感情線,情深角色得到網民支持!

王浩信

▲《踩過界》

去年他憑《踩過界》盲俠一角被網民大讚非常入戲,演技得到肯定,在去年的萬千星輝頒獎典禮上已奪視帝寶座!

王浩信

▲《解決師》

未來兩套新劇《兄弟》及《解決師》,王浩信繼續坐穩男一。不過人紅自然是非多,2011年他跟陳自瑤結婚,婚後感情一直不錯,但上位後經常傳出緋聞女友如蔡思貝,兩人IG又甚少像以往分享全家幅和合照,感情受到考驗!

王浩信

▲《兄弟》

蕭正楠

蕭正楠

▲《巨輪》

蜜運中的蕭正楠,愛情、事業同樣得意!自2003年入行頭十年,最多只做過單元男主角或配角,直至2013年憑《巨輪》羅威信一角終嘗男一滋味,更因此受注目。

蕭正楠

▲《翻生武林》(左);《宮心計2深宮計》(右)

之後有機會再擔正拍《師奶MADAM》,同黃翠如日久生情而拍拖,從此平步青雲,每套有份演出的劇集都係坐穩男一之位,包括《超時空男臣》、《幕後玩家》、《翻生武林》、《宮心計2深宮計》。2013年起蕭正楠先後四次獲提名角逐視帝,惜與獎項無緣,唔知今年能否憑《宮心計2深宮計》再次上位呢?

黃浩然

黃浩然

《平安谷之詭谷傳說》(左);《師父·明白了》(右)

黃浩然於2005年與形象指導老婆結婚,一直是好好先生,有兩個仔仔,家庭幸福。加入TVB十年有多,黃浩然有唔少演出機會,《平安谷之詭谷傳說》、《師父·明白了》中任男一。2010年曾在萬千星輝頒獎典禮上得到飛躍進步男藝員。

黃浩然

《多功能老婆》

不過黃浩然的敬業樂業的精神仍得到TVB欣賞和重視。最近開拍《多功能老婆》,黃浩然有得同楊千嬅拍住做男一、女一,機會難逢。

譚俊彥

譚俊彥

《特技人》(左);《包青天再起風雲》(右)

為咗留港照顧一對仔女的顧家暖男譚俊彥,簽約TVB旋即被力捧做男主角,繼《天命》後,再在《特技人》同朱晨麗演情侶,之後還接爸爸狄龍棒拍《包青天再起風雲》,做包公一角,以及正拍攝《十八年後的殺人告白》,一連四套劇都係男主角,比其他親生仔更得到賞識!

譚俊彥

譚俊彥之所以能上位,不完全因為狄龍兒子的身份,而係憑真本領。未加入TVB前,Shuan已有18年娛樂圈工作經驗,在內地及港台都有拍電視劇,亦有為數不少的電影演出,資歷豐富,絕對唔係新人,在TVB眼中,不用花時間栽培即有男一條件,捧佢上位毫無懸念。

 

洪永城

洪永城

《單戀雙城》

洪永城由Now過檔TVB,得綜藝科總監余詠珊賞識,主持節目《走過烽火大地》而被觀眾注意,之後得到首次拍劇機會,參演《單戀雙城》就有男二做,上位極快。

洪永城

《張保仔》

洪永城之後頂替生病的黃浩然接拍《張保仔》,正式登上一線小生地位,在2015年的萬千星輝頒獎典禮上更獲飛躍進步男藝員。之後做嘅角色都係男一或男二,依家拍緊《丫鬟大聯盟》,跟同樣上位中嘅黃心穎齊齊做主角!

張振朗

張振朗

▲《踩過界》

好多藝人都怕被話似大人物,失去自己的性格。但張振朗就好豁出去,在李思捷主持的綜藝節目《Sunday扮嘢王》扮張智霖,以《衝上雲宵》Cool魔角色成功彈起,之後得高層關注,開始有份做男一,例如《愛·回家 (第二輯)》、《踩過界》等都為人熟識。在2015年及2017年的萬千星輝頒獎典禮上,他更多次獲提名飛躍進步男藝員、最佳男配角、最受歡迎電視拍擋及最受歡迎電視男角色。

張振朗

▲《牛下女高音》花絮

在新劇《堅離地愛堅離地》、《牛下女高音》中,張振朗都係男主角之選,上位咁快難怪會傳出同視后胡定欣發展姊弟戀,傳媒話佢高攀一姐,實質佢極有可能成為未來幾年的視帝人選,不容睇少佢嘅潛力。

森美

森美

▲《過街英雄》

DJ、主持出身的森美係多棲藝人,佢曾參加TVB多套劇集如《誇世代》、《法網狙擊》,角色偏搞笑。如今更有機會擔正做《過街英雄》男主角,係佢人生首次機會。相信收視好的話,大家會更常見到佢。

森美

唔好以為森美無能力做男一,事實上佢1996年就有電影演出經驗,在《百分百感覺》、《同居蜜友》飾演閒角。2001年起夥拍小儀做舞台劇,幕前經驗多多,至於能否在大台跑出,今次《過街英雄》將會是他重要的成績表。

 

LOAD MORE