feature

港姐冠軍未必受熱捧!張名雅、邵珮詩、劉倩婷...你還記得她們嗎?

港姐冠軍未必受熱捧!張名雅、邵珮詩、劉倩婷...你還記得她們嗎?

當選港姐冠軍,唔代表一朝成名,可以飛躍成大明星、受萬千粉絲愛戴。回顧近十年港姐冠軍名單,並非個個如陳凱琳、麥明詩、馮盈盈等受熱捧,當中有些半紅不黑,有些安心做少奶奶淡出娛樂圈,也有人不甘被TVB綁死,主動外闖!


張舒雅 2008年港姐冠軍

張舒雅 2008年港姐冠軍

張舒雅(Edelweiss)亦被稱為史上最hea港姐!張舒雅仲未卸任已經以生病為理由,唔履行港姐工作,令TVB不得不雪藏佢!離開TVB後,張舒雅做過一年半model,然後報讀珠寶課程為接手家族生意做準備,舊年又同朋友合資開酒吧,瓣數多多完全唔愁未來發展!

 

劉倩婷 2009年港姐冠軍

劉倩婷  2009年港姐冠軍

劉倩婷(Sandy)出道之初主持節目,在2011年與香港著名堪輿學家李丞責擔拍攝香港玄案而相識拍拖,2013年結婚後安心做少奶奶,16年誕下女兒,之後鮮有在熒光幕前曝光。

Sandy與李丞責、陳豪、陳茵媺一同慶祝生日禮物。

▲Sandy與李丞責、陳豪、陳茵媺一同慶祝生日禮物。

雖然Sandy無再拍劇,但佢keep住同圈中人熟稔,曾擔任慧妍雅集會長,加上老公人際關係好,經常出席明星聚會,又會接大品牌job,唔憂無人識。

 

陳庭欣 2010年港姐冠軍

陳庭欣  2010年港姐冠軍

陳庭欣 (Toby)入行8年演出過近20套劇集,可惜無一套做到女主角。早前播畢的《宮心計2深宮計》都客串飾演胡定欣同父異母的妹妹,仲要爛面上場,絲毫不介意醜化自己,但都未有得到公眾關注。

陳庭欣  2010年港姐冠軍

陳庭欣 在《踩過界》中演繹跨性別人士亦惹來討論,女兒頭、男兒身,表演尺度大,但始終無出頭天。

陳庭欣

嚟緊Toby有份參與古天樂新戲L風暴,希望能成功進軍電影圈。

 

張名雅 2012年港姐冠軍

張名雅  2012年港姐冠軍

張名雅(Carat)當選那年,為全港首次進行普選港姐,可惜因冧機而改寫結果,本來眾望所歸的朱千雪只獲季軍,最終寶座由Carat奪得。

Carat參與過《鬼同你OT》、《城寨英雄》、《誇世代》等熱播劇,但未能脫穎而出。另外都擔任過短暫《東張西望》及《姊妹淘》主持,但都未能深入民心。

張名雅  2012年港姐冠軍

2016年Carat與圈外人、任律師的Joe結婚後生下囝囝Mario,不時在社交網站曬B,最近又宣佈有喜,睇嚟有排都不能全職復出。

邵珮詩 2014年港姐冠軍

邵珮詩  2014年港姐冠軍

相比2013年奪冠的陳凱琳及2015年的麥明詩,邵珮詩(Veronica)好明顯被比下去,甚至連樣貌都未必被記得!的確,邵珮詩未能挾港姐之名參與更多電視劇,反而要在卸任後加入第28期藝員訓練班,更在《Sundy好戲王》淪為dancer。網民討論她的表現時形容佢多懶音、雞仔聲,看來形象不太入屋。

Veronica也曾在IG分享入行感受:「其實.....我一直都冇消失到,公司係一直俾好多嘅表演機會我,例如参加大show,明珠生活做主持,私人機構的司儀,拍劇及綜藝節目等等。有啲電視節目已錄影,只係重未播出街。多謝大家的支持和鼓勵,我不斷地努力中。我愛做entertainer,挑戰自己的能力和極限,精彩人生。認為當一位演員是不可以計較地位/身份,經歷不同的角度先能豐富自己嘅人生才可以當一位好的演員。」佢仲叫大家多啲為佢打氣!

雷莊兒 2017年港姐冠軍

雷莊兒 2017年港姐冠軍

雷莊兒(Juliette)未卸任已放話會返加拿大發展,並指當地經理人覺得佢花一年時間在港發展很浪費時間!當時參選時她已表明夢想係去荷里活發展,佢話呢一年來夢想未有改變,更一直裝備自己,且志不在香港娛樂圈,對TVB及港姐名銜毫不留戀。未來會唔會喺荷里活一舉成名,大家要拭目以待!

LOAD MORE