feature

6個不健康的旅行習慣!打工仔最有共鳴:「去旅行仲Chur過返工!」

旅行禁忌!6個不健康的旅行習慣!打工仔最有共鳴:「去旅行仲Chur過返工!」

「去旅行、去到盡」大家聽慣聽熟,好似去旅行要玩得至抵、至值、先值回票價。的確,好多香港人都抱著「唔輸蝕」的心態去旅行,同時亦有些香港人去旅行一啲都唔relax! 小編盤點6個不健康的旅行習慣,相信身為香港人的你至少都中一個!


1. 玩到盡

6個不健康的旅行習慣!打工仔最有共鳴:「去旅行仲Chur過返工!」

見到平機票出爐,Package A 同 Package B 價錢一樣,前者早機去、夜機返,玩盡5日4夜;後者都係午機來回,蝕咗足足1年日。抱著平價又抵玩的心態,好多人都揀前者,但其實呢個時間比返工更chur,又要早起,回程拎完行李又勁夜先返到屋企!明明話去旅行休息一下,點知身心更疲勞!

延伸閱讀:【解構廉航】買平機票前要知的二三事

 

2. 快閃團

6個不健康的旅行習慣!打工仔最有共鳴:「去旅行仲Chur過返工!」

出咗嚟做嘢六、七年,公司勁多大project跟,要拎大假去旅行簡直難過登天,唯有趁周末快閃,星期五一收工趕去機場,遊台灣、曼谷一轉,星期一準時返工,神不知、鬼不覺。初嘗一兩次快閃就覺得幾爽,但慢慢會發現呢種旅行心態完全不健康,既無法好好享受假期,又不能體會當地風情,只係覺得周末有得「出走香港」,心態上好過一些。

 

3. 過份精打細算

6個不健康的旅行習慣!打工仔最有共鳴:「去旅行仲Chur過返工!」

去旅行就係為了尋開心,盡情享受!雖然不至於要你揮霍無度,但吓吓計住計住怕over budget的心態絕不能有。尤其係同朋友夾了公數,大家都想食好啲,卻因你樣樣都嫌貴,錯過了好多美食,不但令人覺得難磨合,你也未必享受到當地的特色美食。

延伸閱讀:跟男友去旅行有乜要注意?男生:最介懷的不是女友素顏!

4. 瘋狂購物

6個不健康的旅行習慣!打工仔最有共鳴:「去旅行仲Chur過返工!」

精打細算的相反,也是不健康的旅行習慣,尤其只係貪平就買/ 人買我買,根本無考慮實用性。例如有朋友去台灣買了20盒mask(足足200塊面膜)數量驚人!也有人去uniqlo大掃同款不同色的tee,最終未必件件都著...呢種人,只係覺得旅行好抵買,錯過會走寶,所以大買特買。

 

5. 覆公事

6個不健康的旅行習慣!打工仔最有共鳴:「去旅行仲Chur過返工!」

旅行最怕就是公司同事不斷whatsapp向你求救,明明只係小薯一名,但成間公司好似冇咗你唔得...小編曾試過為了躲避公司同事轟炸,特意唔租Wi-Fi蛋呢!然而世上有一種人,是極度有責任感的打工仔,即使去緊旅行都會check email覆公事,時刻緊貼最新狀態。呢種旅行習慣既令你難以百分百享受當下,也令旅伴感到跟你出遊不愉快,如果講中你,下次記得要改改。

 

6. 職業病發

6個不健康的旅行習慣!打工仔最有共鳴:「去旅行仲Chur過返工!」

小編自首!小編最常在旅行途中職業病發,例如見到當地限定版手袋,會即刻影相出post;有些設計師見到人哋嘅poster設計得唔錯,又要影低作參考,仲有一啲明明純粹去旅行卻變成入貨代購... 一旦職業病發,你就好難完全享受旅程。

LOAD MORE