情人節浪漫晚餐！推介日本料理二人餐

嚟到情人節，男士們又要諗下同女朋友去邊到慶祝，到底一間點樣嘅餐廳可以氹得女朋友開開心心？小編認為一間又靚又高級，而且嘢食好味嘅餐廳，就一定岩晒情侶們去撐枱腳喇！

位於中環蘭桂坊嘅高級日本料理FUMI，為情人節特製限定二人套餐，總共有7道菜，道道都好精緻，為今個情人節加添不少浪漫回憶！

前菜有波士頓龍蝦配海膽沙律，由波士頓龍蝦配以「北海道根室」海膽，絕對開胃！

日本料理又點少得茶湯飯！呢個茶湯飯由森縣大蜆、日本菜、木魚清沙同清酒煮成湯底，養生之餘又不失鮮味。

還有推介嘅日本新鮮刺身，以生吞拿魚腩、北海道牡丹蝦、縞鰺、金目鯛作刺身拼盤，非常滿足！

由照燒油甘魚、京都甜青椒、小玉蔥、柚子大根漬煮成嘅燒物，味道濃郁美味。吃過燒物後就有紅酒汁煮和牛頰肉作主菜，肉質軟嫩細緻，配以紅酒與蔬菜煮成的醬汁，味道香濃，佐飯一流。

最後有士多啤梨櫻花黑蜜雪糕作結，賣相和味道都100分，記得要相機食先啊！

Fumi情人節限定日本料理二人套餐 $1,402/兩位用

地址：中環德己立街30-36號蘭桂坊加州大廈6樓
電話：2328 3302
營業時間：（午市）星期一至星期日上午11時30分至下午3時
              （晚市）星期一至星期日晚上6時至晚上11時