藍橘子專欄：女人的最大敵人「綠茶婊」５大特徵

女人最大嘅敵人，永遠都係女人。
試想像一下，男人鬧男人，只有生殖器官加五官，爽快直接。但女人鬧女人，就有「綠茶婊」「姣婆」「豬生殖器」「臭生殖器」，多不勝數。而當中以綠茶為女性最討厭嘅榜首，以下就綜合幾種常見到嘅綠茶品種同行徑。
　

1. 唔鍾意影相，但瘋狂貼相

扮文青，話自己鍾意睇書、寫詩、素顏，唔係一個鍾意自拍、貪靚、注重外表嘅女仔，但成個臉書 ig 都係自拍，每張都化濃妝。

2. 看似人畜無害，但擅於攻心計

長髮飄逸，清新脫俗嘅綠茶，看似人畜無害，連花朵都唔捨得踩死。但其實最叻攻心計，背後講其他人是非，仲要扮受害者搏男性可憐。

3. 男仔面前扮蠢

「嘻嘻我唔識啊～」「哎呀我真係蠢～」「我唔識睇地圖啊～」「哈哈我唔識計啊～」綠茶喺男仔面前就好像廢人一樣，連切牛扒同扭開罇蓋都無力，真係唔知佢點生存。

4. 飲兩滴水就會飽

如果同枱食飯有其他男性，綠茶食兩粒米就會話飽，然後食完飯見到甜品高呼一定要食。當人哋問佢「你唔係好飽咩？」佢就會裝作可愛話「甜品有第２個胃嘛嘻嘻～」

5.話自己有抑鬱症

當然唔排除真係抑鬱症患者，但綠茶特別會將抑鬱表露於人前，甚至掛喺口邊。

每日喺臉書呻做人好辛苦，好想自殺，點解自己咁蠢，點解自己永遠都係受害者…