世界盃唔識睇波,仲可以睇靚仔足球明星,呢五大洲代表誰是下個C朗?

世界盃仲有冇靚仔球星?想當年,頂尖球員往往不公平地超靚仔,意大利有巴治奧、德國有奇連士文、巴西有卡卡、英格蘭有碧咸,連亞洲區都有日本的中田英壽或者南韓的安貞桓,真係唔識睇波都要睇波。今日?數來數去還是C朗拿度,不是沒有其他靚仔,但又靚仔又好波的,好似真係冇乜。最靚仔被譽為模特兒一樣的門將卡列斯,剛剛就在歐聯決賽大出洋相,當然不會入到德國國家隊陣容。

by COSMO

世界盃唔識睇波,仲可以睇靚仔足球明星,呢五大洲代表誰是下個C朗?

要在世界盃期間找到欣賞的對象,以下嚴選五大洲最靚仔代表。放心,入到國家隊,有份踢的。不會介紹拉蘭拿或費蘭度托利斯之類無份去俄羅斯的。至少,想印件波衫感受一下氣氛,都可以揀。

世界盃唔識睇波,仲可以睇靚仔足球明星,呢五大洲代表誰是下個C朗?

▲後生的碧咸完全無得輸!

南美洲靚仔明星:占士洛迪古斯James Rodríguez@哥倫比亞

不少人覺得巴西的尼馬好靚仔,靚仔到曾經在荷里活電影《3X反恐暴族》客串過一幕。Sorry囉,陣MK味濃過E-Kids成員,咁不如去麥花臣?計我話,南美洲代表一定係哥倫比亞的占士洛迪古斯。四年前的巴西世界盃,成為神射手,靚仔樣已經大受注目。

世界盃唔識睇波,仲可以睇靚仔足球明星,呢五大洲代表誰是下個C朗?

之後轉會皇家馬德里,受傷患困擾影響表現,竟然被外借到拜仁慕尼黑。你唔關心?OK!你至少要關心一件事:占士洛迪古斯去年跟結婚六載的妻子離異,現正單身。係無四年前咁陽光少年咁好笑容仲好似瘦咗一個碼,不過,多了份滄桑感咪即係更加有男人味囉。

世界盃唔識睇波,仲可以睇靚仔足球明星,呢五大洲代表誰是下個C朗?

歐洲靚仔明星:基奧特Olivier Giroud@法國

為爭取出席俄羅斯世界盃,法國前鋒基奧特選擇由阿仙奴轉會車路士,又真係求仁得仁,踢走阿仙奴舊隊友拿卡錫迪,成為法國最後廿三人之一。

世界盃唔識睇波,仲可以睇靚仔足球明星,呢五大洲代表誰是下個C朗?
世界盃唔識睇波,仲可以睇靚仔足球明星,呢五大洲代表誰是下個C朗?

中美洲靚仔明星:奧祖亞Guillermo Ochoa@墨西哥

美國三十二強不入,你以為中美洲便沒有靚仔之選?還有墨西哥嘛。你喜歡看《衝上雲霄》嗎?喜歡?嗱,Cool魔我就搵唔到,但Sam哥就有個似到十足的替代品。被稱為墨西哥Sam哥的門將奧祖亞,成個吳鎮宇餅印,親切感十足。

世界盃唔識睇波,仲可以睇靚仔足球明星,呢五大洲代表誰是下個C朗?

唔止得個樣,奧祖亞的把關能力實在掂,上一屆,試過阻止巴西狂攻,守和0:0,技驚四座。可惜墨西哥件門將波衫的設計,機師制服爭很遠。

世界盃唔識睇波,仲可以睇靚仔足球明星,呢五大洲代表誰是下個C朗?

亞洲靚仔明星:柴崎岳Gaku Shibasaki@日本

男人唔使話真係要好靚仔,識打扮肯打扮已經爭好遠。所以,你會明白,點解日本國家隊好似成隊都好有型咁,講到底,都係包裝。當年的中田英壽固然比明星更明星,之後的內田篤人也被推許為史上最靚仔球星。

世界盃唔識睇波,仲可以睇靚仔足球明星,呢五大洲代表誰是下個C朗?

可惜內田篤人踢完上屆世界盃已退出國家隊,有日本傳媒選來最靚仔十一人,也只有中場柴崎岳和後防槙野智章入選國家隊大軍名單。我就揀現效力西甲球會基達菲的柴崎岳啦。一來,在日本,可能受《足球小將》影響,外流球星始終較吃香,而槙野智章現正效力浦和紅鑽。何況,槙野智章個老婆係靚女明星高梨臨⋯⋯

世界盃唔識睇波,仲可以睇靚仔足球明星,呢五大洲代表誰是下個C朗?

非洲靚仔明星:沙拿Mohamed Salah@埃及

已經聽過不少女性大讚埃及的沙拿可愛。嘩,滿面鬍鬚,唔似係香港女性喜歡的類型喎?原來係因為見到佢在歐聯決賽被皇家馬德里的沙治奧拉莫斯弄傷,無法堅持而傷出,在球員上灑下男兒淚,我見猶憐,激發出不少女觀眾的潛在母性。

世界盃唔識睇波,仲可以睇靚仔足球明星,呢五大洲代表誰是下個C朗?

以為沙拿會因傷緣盡世界盃?偏偏一個好似好可憐的矮小球員,卻有驚人意志力,講明一定會及時康復。埃及是A組,西班牙是B組,兩隊真係有可能在次圈碰頭,到時,沙拿你唔好再咁好人被沙治奧拉莫斯叔叔欺負啦。

世界盃唔識睇波,仲可以睇靚仔足球明星,呢五大洲代表誰是下個C朗?
LOAD MORE