韓國必玩新APP ZEPETO！幫你製作專屬你嘅Mini Me！

相信大家都有玩過Iphone嘅內置Face ID功能啦！透過Face ID，你可以將自己個樣變做Q版小公仔，即時化身識郁識講嘢嘅emoji，創作一個Mini Me！如果你超級鍾意玩呢個功能，咁韓國呢個ZEPETO嘅APP就一定啱哂你，仲可以同一大班friend一齊玩添！

打開APP之後，第一步當然要製作一個專屬自己嘅Mini Me啦！只要你上傳或者即使拍攝一張你自己嘅大頭相，ZEPETO就會根據你面部嘅輪廓特徵自動幫你製作一隻屬於你嘅Mini Me！

如果覺得自動衍生嘅Mini Me啱心水都唔緊要，因為係可以手動調較細節！無論係眼睛形狀、大小，眉毛嘅造型、鼻型高挺度、眼球顏色以至髮型都可以調整！

 

整完你嘅Mini Me之後，仲可以幫佢襯返套靚靚嘅衫褲鞋襪，令Mini Me變得更得意可愛！

 

如果嫌原本嘅衫唔夠靚，ZEPETO商店入面仲提供咗一啲免費商品可以選擇，但係其餘大部分嘅貨品都需要用金幣購買，有啲仲需要透過睇廣告解鎖。

 

但可以點得到ZEPETO嘅金幣呢？當然你可以課金，但係免費嘅做法你可以透過玩ZEPETO嘅內置遊戲嚟換取。如果你以前有玩過Flappy Bird嘅話，呢個game對你嚟講一定易如反掌！

 

至於點樣可以幾個朋友仔一齊玩呢？你首先要去「Discover」然後輸入你朋友嘅 「Profile Code」，然後再按「追蹤」（following）。

當你add咗朋友之後就可以去「Play」頁面揀選你想製作嘅合照。

 

匯出合照本身嘅底色係白色，但你可以隨意轉換背景！

只要按右上角匯入圖片就可以即時轉背景㗎啦！

轉咗背景之後張相會更加有feel！好似呢個聖誕theme，當然要配返個聖誕背景啦！

當你add多幾個朋友仔嘅時侯仲可以影團體照添！

 

當然唔少得製作wallpaper啦，仲唔快啲迫你啲朋友仔一齊換上閨密wallpaper？

 

如果無朋友可以點算？ZEPETO超體貼！做到其實一個人玩都無問題！如果你得自己一個然後選擇多過一個人嘅相，ZEPETO就會將所有人轉哂做你個樣，一樣咁cute cute！所以話，自己一個又有咩可怕喎？仲唔快啲download個APP嚟玩？