拍拖去邊好？10大慳錢情侶拍拖好去處

今個禮拜六日，出街拍拖去邊好？Huh，問起拍拖好去處，來來去去都行街食飯睇戲唱K；稍有新意的，就提議你去間有名氣d嘅酒店high tea；頗有需要的，就慫恿你去間有名氣d嘅（時鐘）酒店開房。來來去去每個星期都是那些拍拖活動，悶死人喇！以下介紹你十件「比較」非典型的室外與室內拍拖好去處，既慳錢又浪漫，起碼捱到十個禮拜！

想慳慳地拍拖又唔知去邊好，可以考慮一下郊遊。不知吹了甚麼風，香港人竟然愛上了草地上野餐。以往草地生人勿近，到了現在各區都有靚草地，維園添馬彭福佐敦谷西貢，梗有一個喺左近。尤其買野餐裝備食物豐儉由人，幾十元買張野餐墊一世適用，平食可買果占麵包薯片梳打餅，貴食可買sushi、champagne、parma ham，最重要是hea到幾時沒人理你，可隨時出發優哉悠哉，打卡影相通常都有可觀的like數，真正低消費高回報的拍拖活動。

夏天逼近，到沙灘剝晒衫褲剝晒鞋是理所當然，當然也是值得考慮的低消費戶外拍拖活動。喜歡游水的去濕身，喜歡曬太陽的去日光浴，最好是可以騷身材，著新買的靚靚比堅尼。男人必定歡喜啦，有女可