森美專欄：一句「做咩啫？」秒殺男人嘅愛

同女人相處，男人要投訴嘅野真係何其多！尤其係你地啲女人最鍾意問男人愛唔愛你，其實我地喺好多行動上都已表明咗係愛你，但偏偏你地又唔俾我地展示對你地嘅愛！Turn off 例子如下：

1. 喺日本酒店房浸私人風呂，浸到渾身滾燙嘅時候想錫啖你溫存一番，但你地喺呢個時候竟然將我地推開。

2. 喺屋企睇浪漫愛情片睇到有情慾片段，忍唔住想攬一攬你輕撫一下，呢個時候你地又將我地推開！

3. 喺冇人冇閉路電視嘅Lift入面，因為太愛你而摸一摸你臀部，結果你地都係將我地推開，而且仲要加句：「做咩啫？」

4. 揸緊車嘅時候，你著住短裙坐喺隔離，我地隻手喺你大髀上輕輕游動一陣，結果你地又將我地隻手打走：「正經啲！」

5. 你沖完涼圍住大毛巾走出嚟，我地曳曳咁將條毛巾抆開，你地就發好大髀氣：「夠喇你！」

仲有好多例子，我地男人不停想表達有幾咁愛自己嘅女人，但你地就不停問：「做咩啫？」其實如果喺以上情況下都唔想同你親近，呢個男人都唔要得啦！男人想對你曳都係因為愛你，係你撩動到我地個心，我地先會曳起上嚟，但係呢種曳經常被喝止，原因係你地唔知咁係出自愛。所以我代表所有男人講，喺以上情況下女人唔好再講做咩啫，而係應該話：「嗯，溫柔啲啦。」咁先唔會浪費我地男人嘅愛。


photos by Shutterstock

作者Profile:

DJ、金牌司儀、棟篤笑講者、製作公司老闆、專欄作家，他不放過任何渠道，誓要透過不同身份、不同平台發揮源源創意。