我同前男友拍拖7年，我16歲已經暗戀佢。佢大我9年。讀書叻，靚仔，上進，風趣，朋友多，揾錢又多。我真係好愛慕佢。
我本來以為他就是我的歸宿。我地仲一齊買左樓。可惜因為第三者既關係我地分開左。分開既原因唔係佢唔肯番轉頭，而係我原諒唔到佢。一齊7年就驚足7年會有人搶走佢。最後我面臨崩潰既邊緣同佢講分手。而佢就同左個小三一齊happily ever after.
但為左要比佢知道我無左佢都可以活得更好，我決定要揾一個比佢更叻更上進更風趣，揾更多錢既人做男朋友。揾左3年發現都係無人好得過佢。我目前個男朋友對我超好同超錫我。但我就係覺得唔係太岩。因為佢又唔上進，又唔風趣，揾錢又唔多。而我就不知不覺地愈來愈上進，好努力去揾好多好多錢，識好多好多朋友，同用自己既美貌去吸引異性既青睞。
我覺得我揾唔到一個男人去超越我個ex, 我就要令自己可以超越我個ex. 我變得已經唔再係自己。我活得好痛苦。我以前從來無諗過自己會變左個工作狂同咁努力去揾錢。因為我覺得女仔有老公養就得。但我為左證明我無左佢會活得更好。我每天都好努力工作。但係我愈努力，番到屋企就愈空虛。因為我揾唔到我努力既目標係咩? 我一直向上爬，但係我揾唔到終點。我真係好累。
迪偉哥，我懷疑自己有強迫症。是否需要睇睇心理醫生?
無名氏上
無名氏：
活得比你好其實是一個很好的題目，而內裏包含的晢理性解拆，你又是否明瞭呢？
活得比你好，內含潛意識報復心態。先是「比你好」代不代表「比你快樂」呢？我當你現在已活得比他好了，但比他快樂嗎？再者，你活得好或快樂，為何仍要以過去的他，作比較、作指標呢？還會跟他有關係嗎？
人生，有很多階段、課題，愛一個，上一課。你愛過的他，學到的，就是要永遠繼續跟隨他的陰影而向上爬嗎？
你心態上，要找一個比他更高層次的人作男友已是錯，這對可能出現的愛人，很不公平；也很易令你對任何人都看不上眼。因為人比人，比死人。怎樣的人出現，你也很易找出錯處或比不上的地方。這樣下去，你不會懂得欣賞一個獨立個體，因為你已不懂得欣賞。你現在身邊的男友是犧牲者，而終極犧牲者，是你自己，因為不快樂的，是你自己。
你現在的心態是：與其想嫁個有錢人，倒不如自己變成一個有錢人。你便去努力、去搵錢、去識朋友、用美貌吸引異性青睞。倒頭來得到甚麼呢？失去自我，更痛苦，不快樂。原因是你現在做的所有事，出發點、心態，全錯！
你有能力，但迷失，因你失去了真心。
或許你現在可以做的是：尋回真正的自己，嘗試跳出失戀的陰霾，讓過去的過去，從新上路，以沒有被污染的想法，去欣賞身邊任何人與事。風景一定更美好。
余迪偉上
---------------------------------------------------------------------------------------
戀愛問題天天多？假如你有感情問題，歡迎e-mail到cosmo@scmp.com，subject 註明迪偉愛情信箱，一經選中，迪偉會親自回信解答你的戀愛謎團。
作者Profile:
余迪偉，無忌諱！
多媒體表演創作人。紐約科技大學傳播系碩士畢業。生活多爪多棲、冇規冇矩，但有態度。商業電台叱咤903《雙截棍》及SmarTone娛樂台節目主持。 著作有《一本精華遊》、《筆舉亂插》、《送給情人的禮物》。
ADVERTISEMENTCONTINUE READING BELOW
登入 瀏覽本網站，可獲取積分換領專屬優惠
立即登入/登記
立即訂閱接收Cosmo最新潮流資訊
訂閱電子報，獲得更多資訊、體驗及禮遇