余迪偉信箱：男友唔長進點算好？

Hi 迪偉,

我同拍左拖2年半既男友岩岩分開左，呢2年幾來佢一直都對我好好，非常就我，大家都覺得我地會係會行入教堂的一對...但佢有一個根本性既問題，就係個人比較懶散同埋唔夠上進，佢覺得同自己鍾意既人開開心心一齊就夠，將來既野唔駛諗咁多。但我就會諗如果一齊結婚生仔住邊度、生活質素呢類既實際問題。所以係呢方面2人都有好大既分歧，而佢已經30歲仔，我覺得男人去到呢個年齡，性格都已經定哂，唔會再改變到，所以決定同佢分手。分手後，佢依然有搵我，好似平時咁。我知道佢好傷心，而且想同我係返埋一齊，不過佢每次都ignore果個核心既問題，咁既情況，我應該點好？

Fiona Shum

---------------------------------------------------------------------------------------------------

潛力股

Dear Fiona,

老生常談，愛情與麵包的問題。明白的，女人到了某年齡，還求甚麼呢，不外乎安定、好歸宿。可惜，這個世代，男人可以玩一世，問題在於你會否陪他玩下去，再不斷奢望他會有跟你同步的一天。

曾遇過這一對情侶，拍拖時女方已是女強人，收入比男方高上多倍。婚後誕下一女孩，妻子提議丈夫倒不如全職「相妻教女」，丈夫成為「家庭主佬」。而這「事業」，丈夫幹得遠比原先自己的工作好。他們幸福得很，縱然被親朋好友白眼，又何妨？為何我們都要被社會既定給我們的規條、道路、角色而進行？

你的問題，在於這男友有沒有潛力去令將來大家得到幸福。就算你還有青春去等，到底他值不值得去等，才是核心問題。以上那故事，就可能因為妻子有眼光，看到丈夫是一頭黑馬，值得投資，而投資的方向也脫俗，換着是另一對夫婦，可能公認丈夫無能，早已分開。

看你的描述，那男人分手後一如以往般出現在你跟前！甚麼都不做，太廢了！若然他是有心挽回感情，騙好、裝好，都給一點戲吧：「我Ban你橋，你乜都唔搞便再來Sell橋？你當我Ban你的原因是流的嗎？」

若然他有丁點潛力，至少都應該擱下這段感情一陣子，這是尊重分手的第一步，然後去做些少成績，例如開始儲錢之類，才來敲你的門吧。

決擇，始終在你手。

余迪偉上

---------------------------------------------------------------------------------------------------

戀愛問題天天多？假如你有感情問題，歡迎e-mail到cosmo@scmp.com，subject 註明迪偉愛情信箱，一經選中，迪偉會親自回信解答你的戀愛謎團。

作者Profile:

余迪偉，無忌諱！

多媒體表演創作人。紐約科技大學傳播系碩士畢業。生活多爪多棲、冇規冇矩，但有態度。商業電台叱咤903《1872遊花園》及SmarTone娛樂台節目主持。 著作有《一本精華遊》、《筆舉直插》、《筆舉再插》、《筆舉亂插》、《送給情人的禮物》。