金龜何處尋？盤點五大有錢人出沒地點

女追男都無好結果？未必！看大S李太都出擊成功，嫁入豪門一世唔使憂，真係好過中六合彩。不過釣金龜也有策略，要一擊即中，就不要錯過幾個有錢人出沒地點！

頭等艙/豪華郵輪：公認的頭號有錢佬集中地，俾得起錢不妨去碰下運氣，但小心會好似「嫁個有錢人」撞著個空心老倌。

私家醫院/療養院/診所：頭等艙有錢佬雖多，但太多靚女空姐出入，競爭太大，不妨去大型私家醫院扮病識下隔離房，甚至去做看護，有病的人特別空虛又苦悶，此時加以照顧，要嫁入豪門就有望了。

高級餐廳/Gym Room/私人會所/高爾夫球會/慈善晚會/酒會：出入的男人都有頭有面，金龜任你釣，不過要同高質素男士搭訕，紅酒、餐牌、禮儀知識等都有必要惡補一下。

興趣班/課堂：選有名望、聲譽好的MBA課程，或學下有錢佬興趣如小型飛機、 騎馬等未固然可以識下高Level人士，但更加不要放過埋首於學術研究、 缺乏社交生活的教授、講師，全屬高薪一族，身邊異性又少，分分鐘執到件「筍盤」！

Table for Six、Speed Dating或其他聯宜的活動：咪以為參加Speed Dating的都一定是電車男或異型，一些工作上認識不到異性或太忙碌的工程師、醫生、會計師、i-banker等相信會是大家「爭崩頭」的對象。