一齊咗咁耐，唔止有夫妻相，連性格都變到一模一樣
有見過我同女朋友嘅人，好多都講過同一句說話。
就係話我同女朋友個樣好似…
「你執到啦～畀啲優良基因你啊！你咁醜樣！」女朋友。
「似妳咁笨就慘喇，過馬路都唔識。」
樣貌方面，我哋兩個都唔覺得自己有咩咩轉變，但當睇返去旅行時影嘅合照，又覺得笑容，眼神都
有幾分相似。
曾經聽過人講，一個人最有好感、最有安全感嘅始終係自己。所以會搵返同自己「氣質」相近嘅伴
侶拍拖。
但先不論個外貌，我發現同女朋友連個性格都開始愈來愈似。
例如同女朋友傾計，佢未講下一句，我就知佢想講乜，或者會畀咩反應。佢又係屬於誇張大反應嘅
人，有時行街見到前面有抹茶雪糕店，我知佢一定會開心又彈吓彈吓（個人），我只好早一步阻止
佢。
「唔好彈吓彈吓啊，妳啱啱先食飽飯，又話減肥，唔應該…」講到一半，女朋友已經彈咗去排隊買
雪糕…
唔單至咁，連口頭禪都一樣，有時佢哼完首歌，首歌就停留喺我個腦全日不停LOOP。有時連小動作
，語氣都一樣。
有時喺街同佢同時間講咗同一句嘢，幾尷尬，唱雙簧咩大佬…
「咪跟我風講嘢啦你。」女朋友。
「妳跟我啊！呢句口頭禪係我講先！」我。
「我發明㗎！你個臭屁蟲！」
到底邊個抄邊個，無一次有結論。但口裡說不，嘴角卻很誠實，每次遇到咁嘅情況，總係忍唔住笑
咗出黎。
究竟點解會咁？因為平時女朋友講嘢時嘅語氣同小動作，我都覺得好吸引我視線，所以我會好仔細
咁留意住。日子耐咗，我個腦就住咗一隻迷你版嘅女朋友，混淆住我思考…
而我相信，女朋友個腦都住咗一隻，迷你版嘅我～
感謝閣下訂閱Cosmo電子報。
閣下將收到一封電郵確認，謝謝支持！
閣下已註冊Cosmo電子報，請按下註冊電郵上的連結，以激活閣下的帳號。
如果未收到註冊電郵，請按此重發。
閣下已曾註冊Cosmo電子報，請前往設定更改閣下的訂閱選擇。
據系統顯示，閣下為CosMart會員；如想訂閱Cosmo電子報，請前往CosMart後台設定 - 接收電郵設定更改閣下的訂閱選擇。
