feature

前度感情開花結果 舊情人請謹記「四不」

前度感情開花結果 舊情人請謹記「四不」

「分開簡單,抹去往事極難。」縱使當初說分手的人是你,但與前度再見面總會尷尬,特別係知道前度開展了新戀情,你卻仍然單身,不知如何自處。


前度感情開花結果,作為舊情人,一定要堅強!謹記以下守則,表現大方最重要!

1. 不要發放負能量

蕭正楠與黃翠如一起時,舊愛何傲芝拒絕祝福。

▲蕭正楠與黃翠如一起時,舊愛何傲芝拒絕祝福。

做人要拎得起、放得低。再放唔低,都要故作大方,唔好表露人前,尤其在社交媒體或common friend面前千萬別發放負能量,詆毀前度,重提往事,只會令人覺得你小氣。

2. 不要主動搵前度

▲馬國明、黃心穎及舊愛胡定欣於TVB劇集《宮心計2之深宮計》同場合作。

無論你從咩途徑知道前度有新戀情,都唔好主動聯絡對方,否則只會令佢覺得你非常關注佢嘅動態,仲未放得低。如果係對方主動搵你宣佈脫單,你亦不必深究,一句祝福就OK!

3. 不要留戀

黃宗澤與胡杏兒8年情終結

▲黃宗澤與胡杏兒8年情終結,女方結婚後男方至今未成家。

不論當初是誰說的分手,現在佢有自己家庭,已經好幸福,無謂「中」個頭埋去,盞自己難堪。

4. 不要急於尋求新戀情

樂基兒與黎明離婚後後,又再尋得第二春。

▲樂基兒與黎明離婚後,又再尋得第二春。

放閃不一定就是勝利者!即使前度公開放閃,你都唔好抱住「威俾佢睇」嘅心情,是旦搵個水泡。呢個行為未必令前度在意,反而令自己更辛苦。

袁偉豪跟岑杏賢多次離合,最終與張寶兒拍拖。

▲袁偉豪跟岑杏賢多次離合,最終與張寶兒拍拖。

想話俾前度知,無咗佢你都可以活得更精彩,不一定要搵感情寄託!

岑杏賢自分手後,都冇急於尋找新對象。

好似岑杏賢自分手後,都冇急於尋找新對象。有閨蜜朱千雪陪佢二人行,在興趣及事業上創一片天,都係另一人生!相信自己,冇咗佢,也能活得比佢好!

LOAD MORE