咪再好心做壞事!請戒掉以下4種「致命的浪漫」

咪再好心做壞事!請戒掉以下4種「致命的浪漫」

想幸福一輩子?請先戒掉以下4個「致命的浪漫」行為。

By COSMO

愛情無分對與錯,亦唔係數學題有「式」可尋,有model answer。講到尾,愛情係需要培養,亦要從錯誤中學習,但好多人都會犯上一個致命錯誤─好心做壞事!想幸福一輩子?請先戒掉以下4個「致命的浪漫」行為。

1. 黐身代表關心

care

你咪以為得閒無事whats app吓佢,關心吓佢工作辛唔辛苦,有無食飯就等於關懷備至,如果處於熱戀期的話,對方會覺得好鬼sweet,甚至好享受,但久而久之,甜蜜會變質成為壓力,你過於頻密嘅關心會 形成壓逼感,令佢感覺好似被人監視一樣,始終一段感情係需要給予對方適當嘅白由空間。

2. 事事如實相告

honest

係,愛情係貴乎坦白同真誠,但係有時過份坦蕩蕩又未必係好事。就例如你一番好意同男朋友講:「你咁著好老土。」你純粹想俾少少意見,但聽者有意,長此落去,感情唔破裂至奇!將心比己,男朋友得閒就同你講句:「你好似肥咗。」同一道理。某程度上善意慌言先係維繫感情嘅良藥,尤其關乎到女人身型呢個致命議題!

3. 你快樂所以我快樂

happy

凡事都要講平衡,愛情都一樣。感情無AA制,總會有一方愛對方較多,但亦唔代表你要麻木咁付出,甚至為討好對方而過份委屈自己,失去自我而令自己唔開心,一句講晒,失衡嘅愛情係唔會有好結果。

4. 事事講公平

俗語有云:「世界邊有公平?」尤其是在一段感情之中吓吓都話要公平就會傷感情。講公平都要視乎情形,家庭開支、家頭細務一齊分擔,絕對fair,但搞清楚,唔係事事都建基於公平之上,過份依循原則做事,最終受傷嘅只會係感情。兩個人一齊係相處,唔係「傷」處!始終對方先係最重要,凡事最好先為對方著想。

LOAD MORE