藍橘子專欄:5個伴侶令人最討厭的生活習慣

藍橘子專欄:5個伴侶令人最討厭的生活習慣

無論你同男朋友拍咗拖幾耐,無論佢平時係韓式暖男,定係格雷式紳士。未試過同居生活,都唔能夠真正瞭解一個人。當兩個人真正同居,經歷過日常起居飲食,洗衣煮飯,你先算清楚一個人嘅真面目。以下幾樣,一定係最討厭,又常犯嘅同居黑人憎位(男女都適合)。

By COSMO

1.擠牙膏擠一半

貪方便,一拎起支牙膏就由中間開始擠,結果頭半截用光光,尾段幾乎從來未用過,明明用嘅時間一樣,都硬係要貪方便。於是你要幫佢由尾將牙膏推返上前,不斷重複此動作直接牙膏完全用完。

 

2.沖完涼浴室地板濕晒

又唔係小朋友,唔明點解沖涼可以整到成個浴室地板濕晒。原因係沖完涼個身水滴滴就行出嚟,死都唔肯抹乾個身先離開浴缸。地板又濕又滑,冬天都還好,潮濕天氣半日都唔乾都幾頂癮。

3.飲完咖啡唔洗杯

明明飲完咖啡即刻洗杯,會容易洗過擺隔夜成隻杯都係咖啡跡。但硬係要等到下次飲咖啡時先洗,有時杯咖啡飲剩少少,第日仲會見到昆蟲浮屍,見到都反胃。

 

4.去廁所唔沖廁

每個人都有懶嘅時候,但沖廁係最基本衛生。一入廁所惡臭彌漫,無沖廁嘅原因竟然係唔記得?!連沖廁都忘記,但每次入廁所又記得拎手機。

 

5.訓覺有鼻鼾

雖然知道呢樣控制唔到,但一熄燈唔夠幾分鐘就傳出鼻鼾聲,有時仲會被磨牙聲嚇醒。第朝佢就好精神,但你就完全訓唔到覺。

(注:女友話我以前有鼻鼾,但一有鼻鼾聲就拍醒我,一齊唔好訓。而家訓覺我就無晒鼻鼾了…)

無論係咩生活習慣,兩個人同居總要磨合一下,搵到個雙方都合適嘅生活模式,咁先可以對一世嘛。

 

LOAD MORE