editing

藍橘子專欄:5種最專制又神經質的女人

藍橘子專欄:5種最專制又神經質的女人

雖然我都遇過唔少男人好專制,但身邊聽返嚟嘅個案,最誇張嘅都係女性。俗語有云,男人坐埋一枱,通常話題係女人。而女人坐埋一枱,佢哋都係講女人。即係講是非…所以,管制伴侶不被外敵入侵,都係女性居多。以下係我聽過最痴線嘅個案。

by COSMO

1)唔畀伴侶同異性同事傾計

你無睇錯,唔係講緊食飯或者收工一齊搭車﹐而係除咗工事之外,上班期間唔可以同其他異性同事閒聊,加Facebook或Whatsapp就更加唔會容許。

2)睇吓有邊個異性Like咗男友張相

睇Whatsapp訊息已經係最基本防禦措施,更高級嘅係睇吓邊個Like咗男友個Status。然後撳入去調查吓對方身世,係同事定係舊同學,再嚴刑烤問無啦啦Like做Gym張相有咩企圖!

3)每半小時匯報位置兼Facetime證明

咪以為異地戀先會用Facetime傾電話,曾經有個朋友,每次有飯局佢都會拎住個電話,要我哋成班人逐個同佢女朋友打招呼,確保身邊唔會有危險人物埋身。

4)屋企裝Cam防止打機

除咗防禦異性入侵,喺女性角度,PS4、手機、模型通通都係情敵。當男友話嗰晚早訓,傾電話唔夠專心,就會想知佢係咪偷偷哋打機打到天昏地暗。

5)逼男友食素

呢個個案我聽到時以為自己去咗北韓。苦主話老婆上網睇到男人食素,出軌機率會降低,結果逼佢老公食素,最慘嘅係老婆好有恆心一齊食素,想拒絕都難。

總結:
無可否認,女性有時係神經質,但做咁多誇張行為,其實都只係拍失去心愛嘅伴侶,只係表達方式有少少偏離正軌。另一方面,當女朋友/老婆做出一啲異常舉動,都要諗一諗,係咪自己屬於出軌高危族呢?!始於,安全感係需要雙方努力嘅。

LOAD MORE