婚前性行為雖然愈來愈普遍，即使你並非處女，但也不代表你是個隨便和人上床的女生。所以無論是跟男生抑或是男朋友約會，女生都要小心言語或肢體上俾錯signal，對方誤收上床性暗示，分分鐘就準備和你進行床上大戰！
登入 瀏覽本網站，可獲取積分換領專屬優惠
1.大爆性史就是最強性暗示
坦白係一件好事，尤其坦白講出你的情史，會令對方更了解你。不過一拍拖就大爆過往性史，好易令對方覺得你係隨便的女仔，垂手可得，更似暗示你已不是處女，你們之間也可以上床！除非你係肉食女，極想和他來一場慾火焚身的愛愛，否則還是收斂一下，一步步慢慢坦白。
2. 容許對方愈摷愈過份，下一步：上床
十個男人十個都咸濕，爭在有幾大膽！以大學生最流行的「報Stage」為例，Stage 1至5 分別為拖、攬、錫、摷、扑，有些男朋友愈慢慢愈摷愈過份，由腰慢慢摸落pat pat，又或者坐下來時把手放在你的大腿間「休息」，都是試驗你的反應。女生如不加阻止，也是暗示他可以再進一步！
3. 答應孤男寡女的約會
男朋友拍拖時如經常提出「上我屋企打機」「去你度hea吓」「不如上山遊車河？」等只有孤男寡女、獨處一室的約會，而你又無防備之心，傻更更應承咗，也很易製造機會給他啊！當然你還有機會死守防線，但對方可能覺得「咁你又肯嚟？」
4. 「我唔想返屋企」成上床暗示
約會後隨口說出一句「我唔想返屋企」，也會成為上床暗示！男生潛意識想到：「唔通你想跟我返屋企？」有些男生甚至開口說「去我度呀！/ 今晚一齊過夜？」，那就證明你真的讓他誤會了！如果夜晚同對方拍完拖，仍然好想糖癡豆在一起，可以講一句：「不如去食糖水？」或者「去公園坐下？」
5. 主動聊色情、「性試探」對方
有些女生對性好疑惑，有好多問題想問另一半，如「你打飛機打幾耐？」「睇緊邊套AV？」「你同前度試過咩招式？」都會令另一半借機愈講愈深入，撩起你的性慾。即使你本身無呢個意思，都好有可能漸漸有失身的念頭！
6. 兩人去旅行，咩都有可能
同情人去旅行好普通啫，但女生若主動跟剛拍拖一星期的男友（或曖昧中）相約快閃旅行，對方立即聯想到「一間房、一張床，仲唔係俾機會我上？」好色的男生自然馬上答應，但女生可能還純情地以為旅行只是旅行！
立即訂閱接收Cosmo最新潮流資訊
訂閱電子報，獲得更多資訊、體驗及禮遇