feature

女人年紀愈大愈難出Pool?10位男生對零拍拖經驗女生的看法

女人年紀愈大愈難出Pool?10位男生對零拍拖經驗女生的看法

「A0」這個愛情記號,自大學起成為朋友問你戀愛狀態的關鍵詞。大學O Camp話自己A0,男生會覺得你好pure好true,但人愈大,A0依然伴隨著你揮之不去,漸漸成為你難出pool的包袱。到底男生點睇A0女?

by COSMO

以結婚為目標的男人都不愛A0女生

A0女生難出Pool?10位男生對零拍拖經驗女生的看法

男生Joseph:「人愈嚟愈大,男仔都會想搵終身伴侶,安定落嚟。如果個女生A0,會覺得佢缺少戀愛經驗,對愛情唔太識經營,即係無被前度教育過,亦覺得自己唔係佢嘅最後情人,我會卻步。」

A0女生衰在圈子太窄、人太害羞

A0女生難出Pool?10位男生對零拍拖經驗女生的看法

男生Manson:「身邊有女性朋友都係A0,其實佢哋性格無問題,外表亦唔差,我開頭都好奇點解佢哋無拖拍。後來發現佢哋圈子太窄,只有朋友圈同工作圈,即使朋友話要介紹男仔俾佢識,佢都出於尷尬拒絕,所以至今仲未出pool。」

A0女生太墨守成規!

A0女生難出Pool?10位男生對零拍拖經驗女生的看法

男生Thomas:「A0女生的確較被動,好守規矩,唔敢同男生有身體接觸。本來我都對某個女仔有好感,但見佢無意思,就無進一步行動了。」

A0女生不敢公開戀愛狀況!

A0女生難出Pool?10位男生對零拍拖經驗女生的看法

男生Duncan:「其實有時都唔知對方係A0,因為佢唔會主動講戀愛狀況,傾計過程又無提戀愛史或現任男友背景。試過從其他朋友口中得知佢無拍過拖,似乎唔敢話俾人知,收收埋埋亦難了解她。」

A0女生尋找網上情緣,衰在太坦白?

A0女生難出Pool?10位男生對零拍拖經驗女生的看法

男生Billy:「試過在交友App識女仔,講到戀愛史時,佢表示自己A0。其實唔多相信,一來佢幾靚女,唔信佢無拍過拖,二來都好難核實真假,三來覺得佢有隱瞞,玩玩下唔太認真。」

A0女生難得一遇知音人!

A0女生難出Pool?10位男生對零拍拖經驗女生的看法

男生Windy:「人大了,在乎感覺更多,唔太在乎佢係咪A0。因為有時都係先有好感,後來才有機會跟她作深入了解。」

寧缺勿濫是大忌!

A0女生難出Pool?10位男生對零拍拖經驗女生的看法

男生Benjamin:「有A0女生知道我拍過幾次拖,唔知係咪覺得我太花心,反而對我無好感。其實佢太保守,根本唔嘗試去愛一個人,了解一個人,抱住寧缺勿濫的態度,其實錯過了好多機會。」

強勢是A0女生的致命點!

A0女生難出Pool?10位男生對零拍拖經驗女生的看法

男生Jackie:「好多女強人感覺太強勢,太有主見,對住男人唔識施展軟弱溫柔一面,自己都唔敢挑戰。可能因為咁,所以未聽過佢有拖拍!」

稱兄道弟成為難出Pool原因!

A0女生難出Pool?10位男生對零拍拖經驗女生的看法

男生Jason:「A0女仔性格完全無問題,身邊都有好多異性朋友,稱兄道弟好玩得埋。正因太close,當咗佢係兄弟,無諗過同佢有發展機會,但會為佢嘅婚姻大事著急!」

A0女生太理性、太著重事業!

A0女生難出Pool?10位男生對零拍拖經驗女生的看法

男生Henry:「可能佢無感情寄託,唯有寄情工作,成日都埋頭苦幹,無咩娛樂。自己都怕悶,所以搵女友更加唔敢搵呢type!」

LOAD MORE