feature

電影《某日某月》原島大地長大了!第一次擔正做主角,你要知關於他的5件事

電影《某日某月》原島大地長大了!第一次擔正做主角,你要知關於他的5件事

原島大地,細細個就聽過呢個名?冇錯,十幾年前,佢出名係拍咗部《忘不了》,同當時得令嘅張柏芝做兩母子。時至今日,大地仔長大了,20歲出頭就擔正做《某日某月》男主角,仲同大佢10年嘅「姐姐」湯怡一齊「談戀愛」,雖然年齡有啲距離,但毫無違和感!不如一齊睇下大地仔點解依然咁吸引啦?

by Cosmo

20歲仔

大地仔1997年10月24日出生,計一計未過生日都仲係20歲仔,點睇得出呀?

中日mix

原島大地個名,一睇就知係日本名啦,事關佢真係一名中日混血兒,阿媽來自廣州,後來嫁到日本,丈夫為原島光,所以就跟阿爸姓——原島+大地喇!

識聽識講廣東話

家庭背景睇落複雜,但其實唔算。中地喺東京出世,但因為又中又日,所以佢細細個就講到聽到廣東話、日文、普通話呢三種語言。

3歲入行

雖則佢而家仲係20歲仔,但早喺3歲開始已經參加一個日本藝術團體嘅選秀,從幾千人中脫穎而出,後來簽埋日本最大嘅模特兒經紀公司,正式入行。

香港《忘不了》走紅

2000年,大地只係3歲仔,第一次到中國的時候,就開始接拍廣告,例如2002年係佢嘅第一次電影演出——《母親快樂》,飾演李麗珍個仔。後來拍《忘不了》,唔駛我多講啦!

三好學生?

你以為大地做童星就會兼顧唔到讀書?非也,一直喺廣州讀國際學校嘅佢。,向來成績不俗,曾被老師評為「三好學生」,即係成績好、品行好同體格好。

依然喺日本讀書

《忘不了》之後,我忘不了你拍完《忘不了》,佢又拍過《神經俠侶》、《江山美人》等等中港電影。但踏入青春期,演藝生活暫告一段落。之後佢到過澳洲留學一年,而家喺日本嘅大學讀緊國際關係學,得閒放暑假先會嚟香港拍攝架!

超愛刺激

大家唔好畀斯斯文文嘅佢嚇親,佢同大家一樣鍾意去旅行。佢又熱衷運動、打籃球、滑雪,旅行期間玩跳降傘、坐熱氣球的高危活動,性格大膽好動。

最愛籃球

轉眼間大地仔大個咗,除咗靚仔樣,仲練得一身好body,歸功於佢平日愛做運動、滑雪、單車、打籃球咁。佢曾經係咁講:「我自小喜歡打籃球,在初中、高中都有參與學校籃球隊,主力打中鋒位置,當然也是個NBA狂熱分子。」而家佢嘅最愛NBA球星,就係金州勇士的Stephen Curry,之前仲特登post過有對方簽名嘅籃球「曬命」添!

第一次擔正男主角

終於擔正了。今次大地要同足足大佢十年嘅湯怡談情,仲因為分隔兩地而來個Long-D,睇落都幾襯,期待套戲呀!

LOAD MORE