麻雀枱上！必定遇到的6種人

新年流流，自不然玩返兩手。
其中攻打四方城可說係新年必備節目！

因為平時大家各有各忙，要有4個閒人談何容易？
新年就唔同！大家都得閒！

不過！一坐低打牌，你就會遇到幾種人……
幾種麻雀麻煩友！

新年流流，自不然玩返兩手。
其中攻打四方城可說係新年必備節目！

因為平時大家各有各忙，要有4個閒人談何容易？
新年就唔同！大家都得閒！

不過！一坐低打牌，你就會遇到幾種人……
幾種麻雀麻煩友！

1.西人雀友－一輸就黑臉

呢種人very西！
因為佢只要「出沖」、只要輸緊錢！
就會黑口黑面，唉聲嘆氣。

開口一句「唉，唔打啦，啲牌垃圾嚟！」
埋口一句「唉，又食四色雪糕，今年冇運行啦！」

佢唉到你心機都冇埋！過年氣氛都冇晒！

2. 迷信之王－紅色底褲在附近

另外都有人勁迷信！一定要用「紅中」叉住對方！
閒時又要「過兩棟」！

背面係廁所位就死都唔坐！
打「東」定打「南」都要問過卦先！

搞到明明4個人打，但畀佢講到有成堆麻雀靈魂圍觀咁

3.緩慢之神 － 超級站長

「哎呀……打邊隻好呢……呢隻……嗯……都係唔好……嗯……都係好啦……都係唔好！」

係佢出一隻牌之際，隔籬已經打咗一個圈！

不過站長多數係少打同初學者，
（所以多數技術唔勁，成日輸錢）

於是大家都原諒佢！

4. 大力士－當麻雀係炮彈咁轟出去！

有啲人終於扮型，打牌都要有威藝，係要超大力！「片」隻牌出嚟！
力度太大，有時飛落枱……有時打散埋對家13隻麻雀！

5. 多嘴怪 －大打開口麻雀

「喂……叫糊未㗎你！打4萬係咪會食我㗎！」

總有人因為大家熟稔，就打開口麻雀，係要你答佢一句
「唔係要4萬呀！打啦」

佢先安心出牌！
但到人哋問返佢，
佢就會答

「你試下打出嚟咪知囉！蝦蝦蝦」

6. 旁觀者煩 －吱吱㗏㗏阿支阿左

呢類人好常見！
佢！係！冇！份！打！

但佢好鍾意係後面望，畀意見！

仲要成日馬後炮！

「點會打呢隻！」
「你睇就知對面叫1、3筒啦！」

真係講到你心都亂埋！

但當你知佢咁醒，想退位讓賢時！
佢就會話「我唔打啦，我睇下就得。」

勁！立於不敗之地！

雖然一打牌，大家就古靈精怪！
不過人無完美，以上6樣，你緊會衰過其中1、2樣。

但成班朋友，攻打下4方城，吵吵鬧鬧，點都係開心事！
贏輸唔重要！最重要係齊人嘛！