年紀比你細?5個原因話你知,姊弟戀其實冇問題!

傳統觀念依然覺得男女交往,應該要男仔大過女仔!
但呢家咩年代呀!仲用年齡束縛愛情??

by 新北由紀

不過偏偏好多女仔朋友都因為咁而卻步!其實,戀上年下男!都有好多好處!

1.城府唔深,保留一點童真

入社會愈耐,防禦度愈高。
就算係戀人,男人都會諗好多嘢,好多計算。

但佢因為年齡細少少,自然城府冇咁深。

2.對你有半點依賴,再有瘋狂依戀

接受到姐弟戀,證明佢本身都係「愛姐派」。
你估男仔要追到一個比自己大嘅女仔係易事?

佢哋不知幾難先追到!
加上你又大過佢,有啲事比佢多經驗,佢只會對你愈來愈瘋狂!

3.與你共同成長,共同建立

佢未係老油條,好多嘢都未定形。
你大佢少少!剛剛好。
幫佢開路,有時輔導。

你有份將佢變man男,佢點捨得你?

4. 孩子氣小驚喜,初戀感覺返晒嚟

20歲嘅男仔,仲好多鬼主節。
30歲嘅男人,已經看透塵世。驚喜?不如打多鋪機啦!

所以,佢後生啲,個浪漫引擎仲有大把馬力。
鬼主意依然慢慢等住你。

5. 試過你嘅成熟,佢根本返唔到轉頭

講真,佢同過你一齊,試過成熟女性嘅相處,
嗰種體諒同自由度,佢已經返唔到轉頭。

面對啲「無咩腦」嘅後生女,佢已經再頂唔順啦!

LOAD MORE