editing

王貽興專欄:連iPhone都賣埋!男人為貼錢女歐旅玩樂可去到幾盡?

王貽興專欄:連iPhone都賣埋!男人為貼錢女歐旅玩樂可去到幾盡?

早前群組裏忽然有朋友問有沒有二手iPhone放售,最好是iPhone五六七,就算iPhone三都冇所謂,最緊要平同用到⋯⋯起初我以為是拍攝需要借用道具,誰知道一問才知道真相有多令人鼻酸,撞你個鬼,原來是這位人兄窮到連自己原本用開的iPhone X都賣掉,就只為供養他的內地女友歐洲旅遊玩樂⋯⋯


偽網紅女友

王貽興專欄:連iPhone都賣埋!男人為貼錢女歐旅玩樂可去到幾盡?

呢條女可謂極品,明明不是網紅,也沒有網紅的條件,卻在ig拍照出po行逕自以為是網紅,她跟網紅唯一的相同之處,就是執相執很大,真人跟照片幾乎相差幾個碼,照片裏臉形像iPhone3那麼小,但真人的臉卻跟iPhone X一樣大一樣方⋯⋯

王貽興專欄:連iPhone都賣埋!男人為貼錢女歐旅玩樂可去到幾盡?

老實說我們這群朋友也真的不曉得這位女子究竟憑甚麼,憑甚麼一次中學畢業條仔就要請佢去四次旅行,又唔係留級四次,上下學期各慶祝一次畢業頂多咪去兩次!

王貽興專欄:連iPhone都賣埋!男人為貼錢女歐旅玩樂可去到幾盡?

但也許這就是中佬與幼齒的戀愛了吧,成四十歲人先媾到十八九歲死𡃁妹,唔用錢留住佢,唔通靠體力和上移的髮線咩,所以就將女友寵成奇行種皇后。

王貽興專欄:連iPhone都賣埋!男人為貼錢女歐旅玩樂可去到幾盡?

當街幫條女拎手袋,飯聚中幫條女挾菜綁鞋帶,仲要成日送名牌,一年例牌五六次旅行,兩次日本兩次歐洲,有咩新手機都一定要碌畀佢,但自己就窮到要用二手舊款⋯⋯

真正的拜金女不認感情

王貽興專欄:連iPhone都賣埋!男人為貼錢女歐旅玩樂可去到幾盡?

我並沒有任何歧視內地佳麗的打算,但這些產地不同的女子,的確不會跟你講義氣講感情,一旦有一日你彈盡糧絕,遇到比你更慷慨更有錢的,對方就二話不說蟬過別枝,唔該都冇聲,就算仔都幫你咇埋,婚又結埋,一樣話走就走,不念半點舊情⋯⋯

王貽興專欄:連iPhone都賣埋!男人為貼錢女歐旅玩樂可去到幾盡?

「冇咁大個頭唔好媾咁大洗的女」,這是老生常談,偏偏所有人置身其中,卻永遠看不破⋯⋯

王貽興專欄:連iPhone都賣埋!男人為貼錢女歐旅玩樂可去到幾盡?

最後,你只會拿著一部壞壞地的二手iPhone,戇居居坐在公園仔等對方覆你微信,然而你抬頭,卻發現周圍很多中佬和阿伯,那些被內地少妻呃晒身家呃埋公屋,無家可歸的痴情傻佬,你們以流浪狗的眼神對望一眼,然後,各自低頭,深信自己跟他們是不同的,繼續等待,繼續揼袋,永遠嘅等待,永遠嘅揼袋⋯⋯

LOAD MORE