如果只是發現姐姐的前男友上親睇親都是床照流出或者性感美女照片的post，倒也正常，不必大驚小怪，因為正常男人就係咁。女生最震驚的是，平日斯斯文文，外表又Man又很有男人味，甚至頗有sex appeal的他，搜尋得最多的post，竟然是男人做愛前勃唔起點算以至各種身心理解救方法的貼文……
女生化身連登神探，回想姐姐跟男友分手時機，竟剛巧就是兩人第一次到外地旅行回來不久，莫非……就是那一次旅行兩人肉帛相見，埋牙大戰，然後男人無法抬頭，令女生姐姐知道繼續跟這男人一起，那方面不僅無法滿足，還將會是個困擾麻煩，所以及早斬纜，以免有男友等於沒男友，未結婚已經先守生寡……？
一直以為這城巿男人想搞冇得搞是土地問題，女人想搞冇得搞，卻不一定是土地問題，而是心情問題，又或者男人的問題。曾經有醫生說過，這城巿男人勃唔起入唔到，十之七八都是心理問題，多於生理上真有問題。壓力太大又好，女友其實不是自己真正喜歡果type又好，兩人關係已經再無新鮮感與吸引力又好，又或者床上以外兩人相處，女友性格好惡習慣令男人無法振起雄風，都可能是令男人無法勃起的重要因素……
有時候做女人也蠻可憐的。平日會偷望女友會看A片的男生，不代表他們上到床也一樣咸濕，很多只是因為做唔到，無法實戰，才狂睇狂睇，睇咗當做咗……
