feature

生BB綁住男人心?結果只係綁死你自己

生BB綁住男人心?結果只係綁死你自己

電視劇《BB來了》中李佳芯飾演的老婆角色,本來並不想生BB,卻意外懷孕。現實中,有唔少情侶及夫婦,因感情轉淡,老婆/女友想用BB綁實佢?謹記,喺未有生BB共識前,一廂情願想懷孕,絕非明智,結果綁死嘅唔係男人心,而係你嘅一生。


你以為男人會因小生命降臨而對你回心轉意,千依百順?你諗多咗喇!即使如《BB來了》黎諾懿咁愛李佳芯,都因BB而多次嘈交,愛情出現危機。

1. 婆媳糾紛

《BB來了》劇照

▲TVB《BB來了》劇照。

生BB絕不是兩口子的事,奶奶一定會插手,爭住養、爭住寵,就連BB著咩衫、餵幾多奶都好有意見。就算本身住得唔近,奶奶都會找借口登門,或帶阿B返屋企湊,你嘅溫馨家庭必被入侵!

2. 男人唔會照顧BB

《BB來了》劇照

▲TVB《BB來了》劇照。

生仔全因男人鍾意BB?但這不代表佢識湊B、肯湊B。每日餵奶換片責任都由你扛,佢只負責玩B任務。所以,喺無生B共識下想用BB留住男人,分分鐘嗌交多過成功箍實佢,得不償失。

3. 無私人時間,旅行聚會免問

《BB來了》劇照

▲TVB《BB來了》劇照。

有B千斤重,一日廿四小時要隨時候命,佢一喊就要即刻埋身,根本B不離手,二人世界變三人行;朋友聚會唔洗預你,更加唔好提旅行。你又接唔接受到成個世界只有BB?

4. 事業受阻

TVB《BB來了》截圖

▲TVB《BB來了》截圖。

就算你成功用BB綁住男人心,但你都失去咗事業向上爬嘅機會,即使你有上進心,但時間制肘大,頭幾年想上位就變得有難度!

5. 不愛你的男人始終會離去

《BB來了》劇照

TVB《BB來了》劇照。

男人失去愛情,會變得無情,佢肯留低就只剩下責任感及親情,而非對你存愛。俾你留得住個人,留唔住個心,最終都會離婚收場。

《BB來了》劇照

▲TVB《BB來了》劇照。

女人阿,唔好咁天真!最終被綁嘅只係你自己啊!

LOAD MORE