你值得擁有更好！賤男3個拍拖行為

喺愛情面前，平時幾聰明幾醒目嘅女仔，都有機會變得戇居同盲目，而睇唔到你眼前依個人其實係個賤人。

如果你男朋友有齊以下呢3個跡象，唔好諗咁多，係傷得更深前快啲放手，飛咗佢！

1. 問多佢一句都嫌煩

如果你男朋友從來唔會主動講自己喺邊，你問多佢一句都嫌你煩，覺得你管住佢，經常唔知佢去咗邊。咁就代表佢完全唔肯為依段關係付出，唔着緊依段關係，更重要嘅係，佢根本唔着緊你呀！

2. 唔欣賞你嘅付出

當你好努力咁為男朋友炮製小驚喜，去接佢放工、煮嘢畀佢食等等，但係佢一啲都唔欣賞，甚至嫌你煩，依種人唔值得你為佢花時間同心機。你就要記住，你唔係佢阿媽，唔係老奉要對佢好。

3. 繼續同人曖昧

已經拍緊拖，但佢仍然玩交友app、對女仔口花花、同人保持曖昧關係，就證明佢唔係想像中咁鍾意你，或者根本唔鍾意你，因為佢唔止唔顧你嘅感受，仲根本唔怕失去你。
歌都有唱，「一段關係梗有佢完嘅時候」，分手唔可怕，唔自愛先最可怕。愛自己多啲，早日飛咗個賤男吧喇！