唔少人睇《開心速遞》，都覺得金城安好慘，更加唔明點解受盡百般凌辱，女朋友Bonnie一直唔畀名份佢要搞地下情，安仔都會繼續忍？有人話「情人總是低B啲」，話安仔傻，又話Bonnie勁衰，但有冇人企喺Bonnie嗰邊諗吓呢？
登入 瀏覽本網站，可獲取積分換領專屬優惠
點擊查看專屬優惠
你有冇背叛好朋友？
大學生，有三樣嘢要做，上莊、住hall、出pool（其實仲有讀書）。Bonnie因為畀前度拋棄而加入單身同盟，同成班女同學誓神擘願唔會拍拖，視男人如敵人。
呢個完全違反異性戀戀愛生態嘅決定，有人話太過離地，之不過喺大學環境，同學仔嘅peer pressure係最大影響力嘅，唔合群者被杯割，會令到「大學三件事」當中兩樣「住hall、上莊」變得不可能或者滿途荊棘。
喺2對1嘅情況之下，Bonnie夠膽拍拖已經好勁，「地下情」係喺「愛情」同「校園關係」當中搵個平衡點，尤其是佢係「聯校女子單身同盟」嘅會長，如果佢公開拍拖即係自毁長城，身邊同佢一齊join呢個同盟嘅朋友關係就會瓦解。
最後Bonnie都喺安仔媽媽熊尚善發功之下公開咗同安仔嘅情侶關係，之後受到朋友同學攻擊，畀人喺hall房嘅門口貼大字話佢係狗男女，又畀人放屎蜢，即係話Bonnie所擔心嘅嘢係啱嘅。冒咗咁大險，受咁大侮辱，但係安仔仲係懵剩剩咁，只喺上網打小人……
「愛你愛到往日朋友不敢分享，當然不敢想像你會感激鼓掌。」Bonnie二十歲人仔左右，做到咁已經好叻女。安仔呢？如果佢身邊唔係全部單身動物，我估佢見到「街裡愛人一對對」，都唔會繼續乖乖忍落去。愛情從來都係你情我願，外人會話當局者迷，而局外人點都冇佢哋符，睇佢哋自己造化啦（尚善老師智力高強可能係少數例外）
當一位Bon王子
好彩最後bonnie都留言講左句：「對不起，讓你受委屈了。這次換我為你勇敢一次，換我保護你⚔️
立即訂閱接收Cosmo最新潮流資訊
訂閱電子報，獲得更多資訊、體驗及禮遇