相信被分過手的一方都好清楚感受到，分手係突然就會話黎就黎，有時候甚至毫無先兆，前一日仲好地地，一次小爭吵足以令到一直以黎既關係破裂。面對提出分手的一方的決絕，被分手的一方當然會留戀，心急挽回通常會做出一系列唔理智既行爲，而令到對方更加嚇怕。
登入 瀏覽本網站，可獲取積分換領專屬優惠
點擊查看專屬優惠
Step 1：承認你地已經分手
係你急於挽回既時候，首先你要承認既係，對方已經提出過分手，縱使你萬般唔願意，但拍拖係雙方面既，你都要尊重翻對方既意願。
佢同你提出分手，可能忍左你好耐忍唔可忍，又或者係佢認爲識左第二個比你更加適合既人，呢個時候你死纏爛打反而會令對方更加厭惡，你應該尊重對方既意願。
Step 2 ：離開不應再打攪愛人
既然你都已經承認左分手呢個事實，就開始要過翻同呢個人拍拖之前既生活。夜晚空虛想Whatsapp下佢？寫D感性既Facebook文tag 埋佢？呢D唔好喇。你地已經唔係戀人關係，暫時都係留翻D空間比人喇。
你想挽回的話，咁呢個時候正係考驗呢段感情既時候，如果佢係愛你的話，過多一段時間自然會搵翻你架啦。呢段時候，你最好徹底離開佢既圈子，等佢都感受下無左你既生活。
Step 3 ：享受自己的生活節奏
無左男朋友既生活，可能開始會有少少空虛，你需要重新調整自己既生活，爲自己安排一D節目，老土D都要講，一個人都可以活得精彩。去一個一直以黎都好想去既地方旅行，報一個提升技能既班，或者去做義工，你會發現當你一個人既時候，係最自由既時候。
當你唔再依附或者需要另外一個人既時候，提出分手既一方可能會因此對你改觀，從而對你產生翻好奇都唔定。
Step 4 ：接受更好的愛情
經過一段時間既洗禮之後，如果你發覺唔需要依賴人地，自己一個都可以悠然自得的話，恭喜你成長喇。你將會面對更好的愛情，唔會再因爲空虛寂寞而同錯既人一齊喇。
無論係前度搵翻你又好，遇到新既對象都好，呢次既戀愛將會更加成熟，開花結果既機會都會更大。
立即訂閱接收Cosmo最新潮流資訊
訂閱電子報，獲得更多資訊、體驗及禮遇