王貽興專欄：女仔太叻難找對象？

網絡熱話，中女化妝師月入8萬找不到對象，因為男人都被她收入嚇怕，但其實真正嚇怕男人的，不是她的月薪，而是她，或者像她那樣的中女，永遠看不透的盲點。

那個盲點，就是她們不自覺以月薪作為人生成就與賣點。就像街巿叫賣，嗱，娶我啦，我月入8皮，娶我就可以即刻擺到酒上到車……這種待價而沽，明碼實價的關係，已經不能叫做戀愛，而是叫做放盤，連埋盤骨一齊叫賣，啱就埋嚟，落訂扑鎚，最好一結婚立即生埋，因為阿姐等唔到幾耐，再擺兩年就要去凍卵先有得生！

 

當男人以月薪或者職位作為人生成就與賣點，我們都會鄙視這種男人貧乏空洞，窮得只剩下錢，更何況女人？

別忘記，女人跟月薪比自己高的男人拍拖，她是越級享受對方月薪的生活水平與物質享受，對方月薪越高，越是有賺；但反過來，男人跟月薪比自己高的女人一起，卻必須再強迫自己提升自己的消費能力與生活水平，才能滿足並且高攀對方的生活習慣……

 

當女人以為自己因為太叻才找不到對象的時候，其實問題根本不在她太叻，而是衰認叻。以為自己月入十萬八萬就好叻，除了月薪就再也沒有任何賣點，再說，婚禮化妝師是一門手藝，是值得尊重敬佩的工作，但比起社會主流認為最受歡迎的叻仔叻女職業，即是醫生律師會計師飛機師iBanker之類，完全不是那一回事……

 

真正叻人才不會四圍認叻，甚至根本不會覺得自己叻，不信你看看荷蘭叻就知道。知少少扮代表，月入六至八萬就懶叻懶勁，哀嘆高處不勝寒，最後只會令真正叻果批笑而不語，咁高咁大既睇你唔起，但同時嚇窒最有可能approach你，即係比起你月薪稍遜，你有可能願意「紆尊降貴」「降格相就」，月薪三四五萬嗰一批……

 

最後，只會變成一群月入相近的中女圍爐取暖，不斷踩低男人，怪責男人冇用冇guts行埋嚟，實情卻是識諗既都唔會咁蠢行埋嚟俾你哋挑剔白眼，有得揀，揀啲後生啲蠢啲可愛啲但相處舒服啲唔好？總好過帶你食萬豪但你問點解唔加多一千幾百食amigo……令自己變得有價冇巿的元凶，不是網民，也不是別人，而是你自己。