Q2：來開房的客人多數咩年紀？
甚麼年紀都有，有啲聽把聲似未成年，亦都見過有約50歲的男人同 20出頭的女生開房。有時有些客人經常book 完房取消訂單或no show，我懷疑好有可能係援交case，或是PTGF／PTBF 訂房。
Q3：點樣察覺到開房的男女不是情侶／夫妻關係？
酒店主要接受以WhatsApp 形式訂房，有時我見到WhatsApp 頭像係一對情侶親密照，但上來爆房的對象係另有其人，咁就心照啦！（不過我哋唔會拆穿對方／公開私隱）
Q4：遇過有咩麻煩開房個案？
唔好以為男人好大方，佢哋開房會好似去街市買餸咁講價，「有無得平$20呀？」、「可唔可以只係book 1個鐘呀？」（註：最低消費 2 小時）。但最賤嘅係有男客人走數！有次有對男女好急咁walk in 開房，我哋未收佢錢就俾間房佢解決性需要先。但最後爆完房就閃人，$300都唔肯俾！
Q5：客人開完房，你遇過最污糟的房間係點？
試過有2男2女一齊上嚟，係阿叔阿嬸的年紀，MK造型同賓妹look。佢哋開咗2間房，然後不停來回兩間房交換partner! 到完事後，入去兩間房準備執房時，一地condom亂咁丟，成張床單、被鋪都濕晒，好大陣異味！係史上最難頂的執房實錄！
Q6：最歡迎邊一類客人開房？
最歡迎男同性戀者，因為佢哋會比較斯文，唔會嗌到拆天。不過佢哋比較會玩油（按摩油／潤滑油），所以清潔房間時要花多少少心機。