平安夜，失身夜！12星座女誰最易失身？

「平安夜，失身夜」每年一到聖誕節呢個關口，相信事前也有不少姊妹掙扎過應否在佳節過後同心儀對象發生關係。其實大家都係成年人，不如go with the flow啦。但如果你係以下星座，失身嘅機會就會特別高呢！

最易失身星座Top 3：白羊女

火星作守護的白羊女天生對性就有一定本能苛索。加上性格衝動，面對有feel的對象，白羊女會奮不顧「身」一直前衝，鐘個頭落對方度。

 

一句辣㷫白羊女： 「你唔係唔敢試呀？」

遇上態度挑釁的男生，聽到類似的說話，好勝的白羊女好容易就會抱著一時之氣而發生關係。面對呢種moment，各位白羊女要冷靜小心！

 

最易失身星座Top 2：雙子女

雙子女通常俾人感覺飄忽，無論思想諗法定身邊另一半都經常不停改變。最怕悶同重覆，因此好多時佢哋都會冒險家上身，積極嘗試唔同新鮮事物，包括性愛。初嘗禁果喺雙子女眼中係一件非常興奮的事，所以當時機一到，自然都會比較願意發生關係。呢個時候，雙子女最好事先了解平安夜失身指南，做好準備！



一句辣㷫雙子女： 「同我愛愛好正好刺激架......你想唔想試下？」

討厭一成不變，大膽的雙子女對各式各樣的性愛以及對手都充滿好奇，如果俾佢哋知道有新嘢玩，都會難抵誘惑樂於去試架。

 

最易失身星座Top 1：雙魚女

對戀愛大過天的雙魚女而言，愛情值得佢哋奉獻一切，情到濃時「為愛捐軀」只係一種愛的表達，而水乳交融的結合先係愛的最高層次。

 

一句辣㷫雙魚女：「我愛你，所以我想同你做。」

如果對方同樣認真戀愛，真心對待雙魚女，性愛絕對可以昇華兩者關係。但如果雙魚女遇人不淑，就好容易俾純粹想享受肉體快感的男生利用表面上的浪漫所蒙騙；更甚係一啲渣男更可能會藉此情緒勒索。比較情緒化的雙魚女生們，適當時候要理智少少，唔好咁容易俾人乘虛而入呀。

 

守身如玉星座Top 3： 巨蟹女

喺母愛氾濫的巨蟹女眼中，進行性愛的主要目的都係為生兒育女。態度傳統保守，因此佢哋對性事多數感到害羞而逃避；加上個性情緒化，容易因為對方的一舉一動而變得緊張，難以投入性愛之中。

 

守身如玉星座Top 2 ：處女女

力求完美的處女女喺性愛方面同樣存有潔癖。奉獻「第一次」時會特別小心謹慎，唔會隨便同人發生關係。性格拘謹內斂都可能會令到佢哋唔太熱衷性事，難以燃起興致。

 

守身如玉星座Top 1 ：山羊女

性格保守內向， 山羊女對性愛的態度都係偏向內斂同壓抑，而且佢哋都需要長時間調情同warm up先會真正turn on。即使好愛對方，佢哋都會考慮長時間，先會決定同對方發生關係，節日的高漲情緒係唔會輕易動搖到佢哋！