拍拖愈耐，男朋友開始覺得女友愈來愈煩，呢樣又管，嗰樣又管。其實女朋友想管束男朋友，也只是希望對方為自己、為這段關係着想。不想因男友厭倦你而陷進分手局面，就要學識聰明地管束男人。
登入 瀏覽本網站，可獲取積分換領專屬優惠
點擊查看專屬優惠
男人討厭女友唔妥班兄弟！
「又同班豬朋狗友出去飲酒？」
對男朋友來說，豬朋狗友其實是他們的好兄弟，重要程度跟老婆沒兩樣。而站在女友角度，一定認為自己比兄弟更重要，因為將來跟你一生一世的人就是她，值得男友重視。所以才衍生出這句話，希望男友多花點時間在她身上。
作為女友，其實可以婉轉地表達同樣的信息：「同兄弟出去玩？咁幾時陪我呀？」首先，用「兄弟」取代「豬朋狗友」，可以讓男人覺得你尊重他的朋友，再來撒嬌地問他拍拖的時間，他便懂得會留日子給你。
假如你覺得男友把兄弟看得比你更重，就要學學這些處理方式！
男人討厭女友煩：「唔好食煙飲酒啦！」
可能你識男朋友時，已經知道他係個煙酒人士。想佢戒煙戒酒，並非想管制他，而係想佢身體健康，但在他看來，每日囉嗦呢句話只會令他不耐煩，阿媽都管佢唔到，點解你管到。
女人就應好言相向，解釋你注重他的健康是為將來着想，希望他為自己著想，長命一啲，同自己走更多個十年。日後有仔女，都想他做個好爸爸，立個好榜樣。
男人討厭女友管財政大權
明明未結婚，女友已經對佢嘅洗費嚴格控制，買限量版波鞋、波衫、figure，連借錢俾兄弟，都會被怨被呻。「我嘅錢又唔係你嘅錢」男人一定會咁諗，更怕婚後錢財歸你所有，唔敢結婚。（當然不想結婚的理由還有很多...這只是其中之一）
婚前控制男友的開支，都係為將來着想。與其一味埋怨他的龐大洗費，不如認真地討論將來，讓男友學識為家庭籌謀，自動識儲錢，唔使你囉唆。藝人張頴康曾指老婆麥雅緻每日俾$100零用，不過就超感謝老婆：「如果冇我老婆一直以嚟管理我嘅生活，依家一定仙都唔仙吓！」
男人討厭女友管他的興趣
「又打機？又踢波？」男友覺得明明係自己興趣，都要被女友管住晒，好似人生一定要以佢為中心，奉獻晒所有時間俾佢咁，不如單身好過！
踢波時間係俾兄弟嘅，陪女友時卻只掛住打機，女朋友自然覺得自己無地位，無晒拍拖樂趣。女友不妨間唔中去睇下男友打波踢波（間唔中好啦），又試下融入打機樂趣，陪佢battle，參與他的興趣，好過一味埋怨。當你識得照顧他的感受，他又感覺到你的遷就與陪伴，自然會對你好一點！
立即訂閱接收Cosmo最新潮流資訊
訂閱電子報，獲得更多資訊、體驗及禮遇