成日聽到啲男仔話「有得食唔食罪大惡極！」，如果有女仔主動送上門，又或者女朋友主動引誘梗係上馬啦！但事實又係唔係咁呢？都曾經聽過唔少姊妹話男朋友竟然「唔想要」，究竟係自己唔夠吸引定係對方覺得悶？除咗外在因素之外，其實男生唔想愛愛可能有其他原因！
登入 瀏覽本網站，可獲取積分換領專屬優惠
點擊查看專屬優惠
1. 無FEEL
女生成日都以為男生可以將性同愛完全分開，覺得男生應該跟誰都可以上床！但其實有無Feel對男仔嚟講一樣重要，所以未必一定係「有得食唔食罪大惡極！」男仔身體無錯好誠實，莫講話係送上門，隨時連見到熱妹或者裸女都會有生理反應。但到實戰起上嚟，其實男生都好重視情感連結。都係個句啦，肚餓要食飯，但如果食到自己鍾意食嘅嘢會開心啲！
2. 工作太攰
一整天超疲累工作過後，仲要陪你玩，然後隨時第二朝有超重要會議要開，絕對唔可以遲到！真係聽到都覺得攰，女生們就體諒一下另一半有時工作的確超辛苦，返到屋企只係想好好休息下！
3. 缺乏新鮮感
同居太耐或者結咗婚嘅朋友仔可能會遇上呢個問題。當兩個人一齊太耐，愛愛次數都會相繼下降。並唔係覺得你無吸引力或者唔夠性感，只係新鮮感不再，要睇嘅又看睇過，要試嘅又試過，就唔會好似以前熱戀時刻刻都想要！天天同床就會覺得就算一兩日不做都可以！
4. 喝醉只想睡
電視電影成日都會見到酒後亂性，或者男女飲醉酒就會展開超激烈床戰，但其實男生們都表示飲醉後都只想睡！當男生飲醉酒，性感內衣加誘人音樂嘅吸引力隨時都比唔上一張床！
5. 感情變淡
男友對你無性趣其中一個原因可能真係因為感情變淡，漸漸覺得愛愛只係在履行作為男友嘅義務，而唔覺得開心或者甜蜜。當兩個人一齊得耐，而你又發現男友睇A片打飛機次數增多，相反掂你嘅次數減少，可能你就要多加留意一下。
6. 怕整親你
聽過有男仔話驚整痛女朋友，所以唔太敢掂佢。女朋友有陰道炎，又或者分泌唔夠所以愛愛時候感到痛楚，呢啲情況其實都有機會嚇怕男友。
立即訂閱接收Cosmo最新潮流資訊
訂閱電子報，獲得更多資訊、體驗及禮遇