捉住愛情尾巴,愛上他的6個證明

捉住愛情尾巴,愛上他的6個證明

係啱啱過咗嘅情人節,相信唔少仍然係單身嘅女仔都會被身邊嘅閃光彈擊傷。其實愛情黎到你身邊嗰陣,好多人都唔知道自己嘅諗法,導致錯過咗一個大好機會,到頭來又後悔自己當初冇好好捉住佢。如果你身邊遇到唔少可以發展嘅對象,心思思想知道同佢有冇進一步發展?又或者想知道自己係味鍾意佢?睇下自己中咗幾多個愛情陷阱啦!

By COSMO

1.感覺剛剛好

1.感覺剛剛好

佢身上面好似隨時隨地都散發出一種好舒服嘅感覺,哩種即舒服自在又無比親切嘅感覺,令你好想同佢再親近啲。甚至想起同佢一齊嘅感覺,都會唔自覺係會心微笑。

2.他永遠是最好的

2.他永遠是最好的

咁多人入面,得你可以搵到佢嘅獨特之處,得你識得欣賞佢嘅好,佢就好似漆黑一片中閃閃發光嘅星星。當有人提起佢,你都會讚佢,同人地分享佢嘅好。

3.情緒被牽動

3.情緒被牽動

佢嘅一舉一動都改變緊你嘅心情,你可能會因為佢嘅一句早晨而有成日嘅好心情,但又因為佢同另一嗰女生行得埋而暗地獨自失落。冇錯,佢已經不知不覺間,輕易掌握住你嘅情緒,而你的情緒跟住佢經常大幅波動。

4.想獨自佔有

4.想獨自佔有

你越來越想想佢同自己相處多啲,佔有慾越來越強。你希望佢對你同其他人係唔同,而自己係佢眼中係特別嘅嗰一個,最希望梗係佢可以完全屬於你一個人。

5.在你眼中是完美

5.在你眼中是完美

正所謂「情人眼裡出西施」,無論身邊嘅人話佢有咩缺點,係你心目中都係可以接受嘅。佢奇怪嘅地方,係你眼中都係獨特嘅,可能佢唔係你理想型男朋友,但係就做咩都咁順眼,點睇都咁迷人。

6.接受身體接觸

6.接受身體接觸

同其他男仔唔同,你唔介意,甚至希望同佢有身體接觸。好似摸下你嘅頭,搭膊頭,拖手仔以及擁抱。你都好想有機會同佢有接觸,兩個人更親密。

LOAD MORE