戀情的重要階段見家長要留意的3個細節

Relationship 見家長結婚戀愛

見家長，呢件事真係由中學時代，去到30歲都依然緊張嘅環節！
無他嘅，有時家長唔鍾意，一段戀情就好難稱心如意。

咁不如等我集合（朋友們）咁多年嚟嘅見家長經驗，話你知有咩要注意！

by 新北由紀

24 Mar 2018

見家長，呢件事真係由中學時代，去到30歲都依然緊張嘅環節！
無他嘅，有時家長唔鍾意，一段戀情就好難稱心如意。

咁不如等我集合（朋友們）咁多年嚟嘅見家長經驗，話你知有咩要注意！

好多新一代，都會覺得「一切從簡」，於是就「無心撞板」。即係嗰啲買枝酒買個橙……係…無謂又老土，你問我都唔想做。

但第一次見，你又唔知人點諗，我只能夠話
冇人會嬲你買嘢，
但真係有老人家會嬲你「唔買嘢」……

我有朋友試過衰過一樣嘢，就係「唔識揸筷子」，即係好正統好靚地揸筷子。
你心諗「唔係呀化！」食到咪食囉！

但男方家人係書香世代，好講禮數，見佢唔識揸筷子，已經先入為主，覺得個女仔「麻麻哋」。
佢男朋友又係大意，冇提醒佢。於是餐飯大家都唔太高興。

好簡單，有個家庭都有「潛規則」，有啲唔食雞肉、有啲最憎日本文化、有啲唔鍾意道教，
再奇怪啲都聽過，所以一定要問下男友，叫佢唔好咁「是但」！因為上戰場嗰個…係你！

點解媽媽會對個仔嘅女友抱有敵意？一嚟大家都係女性，二嚟要確保個仔揀到好女子。
所以佢好嚴格。

咩係「先手動作」？
即係一碟餸，你唔好做第一個夾；
電視機冇開，唔好自己開。

人嘅情感好有趣，你唔知幾時會得罪佢，
但「跟隨」總係少好多問題。
第一次見面！忍下啦！

當然，之後慢慢熟咗，知對方性格諗法，就可以慢慢做返自己！
等佢哋真正欣賞你！